
Doza Dîlan Kortak: Polîsên bersûc ji bo ‘bitirsînin’ 25 gule berdane Dîlanê!  

2023-06-15 15:49:39


	&nbsp;

	STENBOL - Di doza Dîlan Kortak de polîsên bersûc îdia kirin ku “bi armanca bitirsînin” 25 gule berdane û li xwe mikûr hatin ku Kortak bi awayek birîndar qetil kirine.&nbsp;

	&nbsp;

	Li navçeya Sancaktepe ya Stenbolê di 3’ê kanûna 2015’an de polîsan avêtibû ser malekê û Dîlan Kortak a 19 salî qetil kiribû. Têkildarî qetilkirina Kortak derbarê polîsên bi navê Y.Y.A, F.Î.B. û O.Y. doz hat vekirin. Danişîna ewil a dozê li 68’emîn Dadgeha Cezayê Asliyeyê ya Edliyeya Anadolûya Stenbolê hat lidarxistin. Polîs ji sûcdariya “bûne sedemê kuştina bizanebûn a biqisûr” tên darizandin. Ji polîsan Y.Y.A û F.Î.B. li eywana danişînê amade bûn û bersûc O.Y jî tev li danişînê nebû. Parêzerên malbata Kortak jî di danişînê de amade bûn. Polîsek bi çek ket hundirê eywana danişînê û li ser îtîraza parêzeran sîleha polîs ji eywanê hat derxistin.&nbsp;

	&nbsp;

	XWE DI BIN NAVÊ KU ‘BITIRSÎNE’ DE PARAST&nbsp;

	&nbsp;

	Piştî tespîta nasnameyan ewilî îdianame hat xwendin. Polîsê bersûc F.Î.B., îdia kir ku ew li ser “îxbara xwekuj” çûne mala ku Kortak lê dima û ji ber kesî derî venekiriye derî şikandine û di wê kêliyê de dengê sîlehê ji hundirê hatiye û piştî hişyarî dane bi “armanca bitirsînin” gule berdane cihê vala. F.Î.B., îdia kir ku gule bernedane Kortak û piştî ketine malê û xwestine ku Kortak teslîm bibe lê Kortak gotiye ku ew ê teslîm nebe. F.Î.B., îdia kir ku Kortak gule berê wan daye û di destê wê de sîleh hebûye û piştî sîleha wê teqiyaye wî jî gule berdaye û paşê dîtiye ku Kortak miriye.&nbsp;

	&nbsp;

	Bersûc Y.Y.A. jî îdiayên heman kirin û îdia kir ku armanca wan bi zanebûn û qestî bûye û xwest bê beraetkirin.&nbsp;

	&nbsp;

	KAMERA TUNE YE&nbsp;

	&nbsp;

	Parêzerên malbata Kortak pirsa “Gelo kamera hebû?” ji bersûcan kir. Bersûcan îdia kir ku kamera nebûye.&nbsp;

	&nbsp;

	Li amire tîma polîsan EfkanOzergul jî wek şahid hat guhdarîkirin û bersiva pirsên parêzeran da û piştevaniya îdiayên bersûcan kir. Ozergul bersiva pirsa, “Gelo plansazê operasyonê kî bû?” neda. Parêzeran gelek pirs kir lê serokê dadgehê mudaxile kir. Parêzerên endamên OHD’ê nerazîbûn nîşanî dadger dan.&nbsp;

	&nbsp;

	LI BER LÊPIRSÎNA DOZGER RABÛN&nbsp;

	&nbsp;

	Parêzeran îtîrazî lêpirsîna dozgeriyê kirin û gotin dozgeriyê lêpirsînek birêkûpêk nekiriye. Parêzeran xwest bûyer ji nûve bê lêkolînkirin û daxwaza kifşa cihê bûyerê kirin.&nbsp;

	&nbsp;

	21 GULE LÊ KETINE&nbsp;

	&nbsp;

	Ji parêzeran Bulent Aşa destnîşan kir ku Dîlan Kortak ji sûcê “kuştina bi qestî ya mirovan” kirine û xwest doz li dadgeha cezayê giran bê lidarxistin. Aşa got ji 25 guleyan 21 gule li bedena Kortak ketine û hemû jî li cihê ku jê bimire hatine xistin.&nbsp;

	&nbsp;

	DANIŞÎN HAT TALOQKIRIN&nbsp;

	&nbsp;

	Şandeya dadgehê belgeyan û parastinan nirxand û ji bo dadgehek din wezîfeya vê dozê bi rê ve bibe xwest celseyek din bê lêkolînkirin. Dadgehê ji bo delîl bên komkirin dem da û danişînêk din taloqî 3’ê cotmehê kir.&nbsp;

	&nbsp;