Malbata Şenyaşar bangî wezîr Tûnç kir: Em li benda îcraetê ne

2023-06-18 12:13:11


	 

	RIHA - Malbata Şenyaşar a ku çalakiya xwe ya Nobeta Edaletê didomîne, li ser hesaba xwe ya medyaya dijital ev bang li Wezîrê Dadê Yilmaz Tûnç kir: “Em li benda îcraetê ne.”

	 

	Di 14’ê hezîrana sala 2018’an de xizm û parastvanên Parlamenterê AKP’ê yê Rihayê yê berê Îbrahîm Halîl Yildiz li navçeya Pirsûs a Rihayê êrişî Malbata Şenyaşar kir. Di êrişê de hevjîn û du kurên Emîne Şenyaşar hatin qetilkirin. Emîne Şenyaşar û kurê wê Ferît Şenyaşar ku ji komkujiyê bi birîndar xelas bûbû, di 9’ê adara 2021’an de li pêşiya Edliyeya Rihayê dest bi Nobeta Edaletê kiribûn. Çalakiya malbatê di roja 818’an de berdewam kir. Ji ber ku di dawiya hefteyê de edliye girtî ye, malbatê çalakî li mala xwe ya li Pirsûsê domand. 

	 

	Malbatê li ser hesaba xwe ya medyaya dîjîtal ev bang li Wezîrê Dadê Yilmaz Tûnç kir: “Heta zilm bi dawî dibe, edalet pêk tê, derew û îftîra bi dawî dibin û ya heq pêk tê dê têkoşîna me bidome. Em li benda îcraeta Wezîrê Dadê yê nû ne.”