DTSO'yê ji bo şerê li Bismilê banga aramiyê kir

2023-06-19 09:53:09


	 

	AMED - DTSO'yê têkildarî şerê Bismilê ku 9 kesan jiyana xwe ji dest dabûn ev bang kir: “Em her du aliyan jî vedixwînin aramiyê”.

	 

	Odeya Bazirganî û Pîşesaziyê ya Amedê (DTSO) civîna xwe ya asayî ya meha hezîranê li dar xist û li ser bûyera li Bismilê pêk hatiye jî hate sekinîn.

	 

	DÛRKETINA JI LIHEVKIRIN Û AŞTIYÊ

	 

	Meclisa DTSO’yê têkildarî civîna meha hezîranê daxuyaniya agahdarkirinê li dar xist û bal kişand ser bûyera li Bismilê. Di berdewamiya daxuyaniya agahdarkirinê de ev tişt hatin gotin: “Ji ber dirêjbûna pêvajoya hiqûqî û xeletiyên ku tên kirin rê li ber van bûyeran vedibe. Li gel vê yeke biçekbûna şexsî û dûrketina gel a ji lihevkirin û aştiyê, van encaman bi xwe re tîne.”

	 

	BANGA AVAKIRINA ‘ŞANDEYA LIHEVKIRINÊ’

	 

	Em weke Meclisa DTSO’yê avakirina ‘şandeya lihevkirinê’ ya ji saziyên sivîl, rûspî û welatiyên li bajêr dijîn pêk tê, wek divêtiyekê dibînin. Em ji miriyan re rehma Xwedê ji malbatan re jî sebir dixwazin. Em her du aliyên buyerê jî gazî aramiyê dikin.”