
Li Geverê piştî operasyona leşkerî şerekî dijwar diqewime  

2023-06-20 10:50:59


	COLEMÊRG - Duh di saetên êvarê de li dijî gundê Tilora, Memkava, Mûşan û Yêkmalê yên Geverê operasyona leşkerî hate destpêkirin. Hat zanîn ku piştî operasyonê li herêmên navborî şerekî dijwar dest pê kiriye.&nbsp;

	&nbsp;

	Artêşa tirk şevê din saet derdora 23.00’an li dijî gundên Tiloran, Memkava, Mûşan û Yêkmal ên navçeya Gever a Colemêrgê bi tevlibûna hezaran leşkeran operasyon da destpêkirin. Hat zanîn ku şevê din saet derdora 03.00-06.00’an de li herêmên navborî pevçûnên dijwar dest pê kirin û dengê çekan hate bihîstin. Li gorî agahiyan, pevçûn hêj berdewam in û bi sedan leşkerên din bi helîkopter û wesayîtên zirxî ber bi herêmê ve hatin veguhestin.&nbsp;

	&nbsp;

	Hem li herêmên navborî û hem jî li navenda Colemêrgê liv û tevgereke zêde ya hewayî heye.&nbsp;

	&nbsp;

	Çavkaniyan da zanîn ku operasyona leşkerî ya li her 4 gundên navborî hatiye destpêkirin, li çiyayên Sipêrêz û Omerê jî belav bûne.&nbsp;

	&nbsp;