
Rojnameger Bêrîtan Canozer hate berdan 

2023-06-23 10:58:14


	&nbsp;

	AMED - Ji bo nûçegihana JINNEWS’ê Bêrîtan Canozer biryara tehliyeyê hate dayîn.&nbsp;

	&nbsp;

	Nûçegihana JINNEWS’ê Bêrîtan Canozer di 25’ê nîsanê di çarçoveya lêpirsîna Serdozgeriya Komarê ya Amedê de hatibû binçavkirin û piştre tevî 4 hempîşeyên xwe hatibû girtin. Derheqê rojnameger Canozer de biryara tehliyeyê hate dayîn.&nbsp;

	&nbsp;

	Derheqê Canozer de bi îdiaya “endamtiya rêxistinê” îdianameya hatibû amadekirin û îdianame ji hêla 10’emîn Dadgeha Cezayên Giran a Amedê ve hatibû qebûlkirin. Şandeya dadgehê li ser dosyayê lêkolîna girtîbûnê kir û ji bo Canozer biryara berdana bi şertê kontrola edlî da.&nbsp;

	&nbsp;

	Di biryara tehliyeyê de delîlên şênber tunene ku rewşa delîlan biguhere, delîlên şênber ên ji bo îxtîmala wesfa sûcê pê tê tawanbarkirin nînin û tu delîlên şênber nînin ku Canozer bireve yan jî delîlên heyî tune bike.&nbsp;

	&nbsp;

	Tê payîn ku piştî biryar ji girtîgehê re hate şandin dê Canozer were berdan.&nbsp;

	&nbsp;

	&nbsp;