‘Berxwedana dayê ya bibiryardarî wê edaletê bîne welat’ 2023-06-24 11:46:15   RIHA - Malbata Şenyaşar a ku 824 roj in Nobeda Edaletê didomîne got: “Têkoşîna daye li dijî xerab û bêedaletiyê berxwedanek bêtundî ye. Berxwedana dayê ya bibiryardar wê edaletê bîne welat.”    Nobeda Edaletê ya Emîne Şenyaşar û lawê Ferît Şenyaşar (Malbata Şenyaşar) ku ji 9’ê Adara 2021’ê ve li ber Edliyeya Rihayê berdewam dike, îro ji ber dawiya hefteyê ye di roja 824’emîn de li mala wan li Pirsûsê berdewam dikin.    Malbatê li ser hesabê xwe yê medya dîjîtal têkildarî Nobeda Edaletê ev peyam belav kir: “Hêvîkirin, kirina têkoşînê ye. Heta ku em têbikoşin em ê bibin xwedî mafê hêviyê. Têkoşîna daye li dijî xerab û bêedaletiyê berxwedanek bêtundî ye. Berxwedana dayê ya bibiryardar wê edaletê bîne welat.”