
Şahidê Girtîgeha Hejmar 5 a Amedê Çat wefat kir  

2023-07-04 11:26:23


	MÊRSÎN - Mehmet Çat ku hem şahid û hem jî mexdûrê sepanên îşkenceyên dermirovî yên Girtîgeha Hejmar 5 a Amedê bû, wefat kir.&nbsp;

	&nbsp;

	Mehmet Çat ku piştî darbeya leşkerî ya 12’ê Îlona 1980’an hatibû girtin û li Girtîgeha Hejmar 5 a Amedê dihat ragirtin, li girtîgehê rastî sepanên herî hovane hat. Çat, ji ber nexweşiya xwe ya dil li nexweşxaneyeke Mêrsînê dihat tedawîkirin û wefat kir.&nbsp;

	&nbsp;

	Çat, di 67 saliya xwe de jiyana xwe ji dest da û di sala 1980’an de hatibû girtin. Li dadgeha leşkerî bi cezayê muebbetê hate darizandin. Çat, hem mexdûr û hem jî şahidê sepanên îşkenceyên dermirovî yên Esat Oktay Yildiran bû û di sala 1995’ê de hate berdan. Çat, li girtîgehê bi gelek nexweşiyan ket û teşhîsa penceşêra pişikê hatibû kirin. Gelek nexweşiyên Çat hebû û herî dawî jî ji dilê xwe emeliyat bû. Ji ber ku dilê wî zeîf bû, li Nexweşxaneya Bajar a Mêrsînê dihat tedawîkirin û li wir jiyana xwe ji dest da.&nbsp;

	&nbsp;

	Çat, dê li Goristana Karaduvar a Mêrsînê bê definkirin.&nbsp;

	&nbsp;