
10 meh cezayê hepsê li helbestvan Ahmet Tellî hat birîn  

2023-07-04 14:43:39


	ENQERE - Dadgeha Enqereyê bi îdiaya “propagandaya rêxistinê” 10 meh cezayê hepsê li helbestvan Ahmet Tellî birî.&nbsp;

	Helbestvan Ahmet Tellî di sala 2017’an de beşdarî daxuyaniyek çapemeniyê bû, ji ber vê axaftina wî û helbesta ji pirtûka xwe “Dovuşen Anlatsin” xwendibû bi îdiaya “propaganda rêxistinê kiriye” doz lê hatibû vekirin. Danişîna sêyemîn a dozê li 26’emîn Dadgeha Cezayê Giran a Enqereyê hat lidarxistin. Gelek parêzvanên mafên mirovan û parêzer tev li danişînê bûn.&nbsp;

	&nbsp;

	Dozger berê mutalaya xwe pêşkê kiribû û xwestibû ji îdiaya “propagandaya rêxistinê” 8 sal cezayê hepsê ji Tellî re xwestibû. Tellî li dijî mutalayê parastina xwe kir û diyar kir ku ew bi berpirsiyariya xwe ya rewşenbîriyê beşdarî daxuyaniyê bûye û got: “Mexseda min xwendina helbestê bû. Tê îdiakirin ku min bi helbesta xwe ya di pirtûka min a ‘Dovuşen Anlatsin’ propaganda rêxistinê kiriye. Min wek rewşenbîrek berê jî li ser meseleyên civakî rawestiyabûm, ev wezîfeya min e. Ez beraeta xwe dixwazim.”

	&nbsp;

	Parêzerê Tellî, Umut Vedat Acar jî parastiê kir û xwest miwekîlê wî were beraetkirin.&nbsp;

	&nbsp;

	CEZA HAT TALOQKIRIN&nbsp;

	&nbsp;

	Şandeya dadgehê biryara xwe eşkere kir û diyar kir ku Tellî sûc kiriye û ji “propaganda rêxistinê” 10 meh cezayê hepsê lê birî. Dadgehê paşê jî biryar da ku cezayê hatiye birîn were taloqkirin.&nbsp;

	&nbsp;