
Piştî 31 salan ji girtîgehê derket 

2023-07-05 23:59:51


	AMED – Mesût Çelebî ku piştî 31 salan ji Girtîgeha Rîze ya Tîpa E'yê derket, got: "Piştî 31 salan li welatê xwe bi awayekî fîzîkî azad im û bi gelê xwe û malbata xwe re me. Ji bo me tenê qada berxwedanê guherî."&nbsp;

	&nbsp;

	Mesût Çelebî, piştî 31 salan ji Girtîgeha Rîze ya Tîpa E'yê derket. Çelebî di 12'ê Hezîrana 1992'yan de li Wanê hat binçavkirin û paşê ji aliyê Dadgeha Ewlehiyê ya Dewletê (DGM) ve bi îdiaya "xerakirina yekîtî û yekpareyiya dewletê" cezayê muebedê lê hat birîn. Çelebî ku di nava lîsteya girtiyên nexweş a Komeleya Mafên Mirovan (ÎHD) de bû, li Wan, Mûş, Erzirom, Yozgat, Amed û Rîzeyê di girtîgehê de maye.

	&nbsp;

	Çelebî piştî ji girtîgehê derket, îro hat bajarê xwe Amedê. Çelebî li ber mala xwe ya li navçeya Rezanê ji aliyê ferdên malbatê û xizmên xwe ve bi tilîliyan hat pêşwazîkirin. Çelebî li vir axivî û got: "Piştî 31 salan li welatê xwe bi awayekî fîzîkî azad im û bi gelê xwe û malbata xwe re me. Ji bo me tenê qada berxwedanê guherî."&nbsp;

	&nbsp;