
Li Geverê civîna gel bi girseyî hat lidarxistin 

2023-07-14 15:52:57


	&nbsp;

	COLEMÊRG - Partiya Çepên Kesk û HDP'ê li Geverê bi tevlubûneke girseyî civîna gel li dar xist.&nbsp;

	&nbsp;

	Partiya Çepên Kesk û Partiya Demokratîk a Gelan (HDP) di çarçoveya avabûna ji nû ve de li Tirkiyê û Kurdistanê civînên gel li dar dixin. Parlamenterê Partiya Çepên Kesk Tûncer Bakirhan, Gulderen Varli, Vezîr Parlak, endamên Meclisa Partiyê (PM) û gelek kes tev li civîna di eywana dawetê de hat lidarxistin bûn. Civîn bi rêzgirtina ji bo kesên di têkoşîna azadî û demokrasiyê jiyana xwe ji dest dane, dest pê kir û piştre Hevserokê HDP'a Colemêrgê Lokman Ozdemîr di destpêka civînê de axivî. Ozdemîr destnîşan kir ku wan di hilbijartinên di 14 û 28'ê Gulanê de encamên ku xwestine bi dest nexistin û ew ê ji niha şûn ve zêdetir bixebitin.&nbsp;

	&nbsp;

	Ozdemîr axaftina xwe wiha domand: "Hemû şoreşên dîrokê ne bi hilbijartinan, bi têkoşînê pêk hatin. Her tim qada siyasî bûye bingeha hemû şoreşên serkeftî û destkeftiyên bi bedelên mezin hatine bidestxistin. Em di bingeha siyasî de çiqas xurt bin wê ewqas di demeke kin de destkeftî bên bidestxistin."

	&nbsp;

	Piştî axaftinan civîna gel ji çapemeniyê re girtî berdewam kir.&nbsp;

	&nbsp;