
‘Daxwaza Diyanetê ya tevlibûna Doza Kobanê fetwa ku weke qanûn hatiye nixumandin e’ 

2023-08-02 18:11:35


	&nbsp;

	ENQERE - Yek ji parêzerên dozê Îbrahîm Ergûn nerazîbûn nîşanî Serokatiya Diyanetê ya ji bo beşdarî doza Kobanê bibe da û got: “Ev daxwaza Diyanetê fetwa ku weke qanûn hatiye nixumandin e.”

	&nbsp;

	Rûniştina duyemîn a 27’emîn danişîna Doza Kobanê ku Hevserokên Giştî yên Partiya Demokratîk a Gelan (HDP) yên berê Fîgen Yuksekdag û Selahattîn Demîrtaş jî di nav de 18 jê girtî bi giştî 108 siyasetmedarên kurd bi hinceta bûyerên 6-8’ê Cotmeha 2014’an tê de tên darizandin, piştî navberê li Kampûsa Girtîgeha Sîncanê berdewam kir.

	&nbsp;

	Dadgehê diyar kir ku siyasetmedar Alp Altinors ji ber pirsgirêkên xwe yên tenduristiyê ji bo ji danişînan xelas bibe daxwaznameyek pêşkeş kiriye û ev daxwaz qebûl kir.&nbsp;

	&nbsp;

	BERTEK NÎŞAN DA

	&nbsp;

	Parêzerê Gulfer Akkaya, Îbrahîm Ergun ê pişt re mafê axaftinê girt, da zanîn ku tevî daxwaznameya beriya niha dabû û hin daxwaz di nav de bûn jî ji bo pêkanîna van daxwazan tu kirarî nehatine kirin. Ergun, bi lêv kir ku doz ne dozeke hiqûqî ye û bêhiqûqiyên di dozê de hatine kirin rêz kirin.&nbsp;

	&nbsp;

	FETWAYA DIYANETÊ&nbsp;

	&nbsp;

	Ergun, bal kişand ser daxwaza tevlibûna dozê ya Serokatiya Daîreya Karên Diyanetê ya 11’ê gulanê û bi lêv kir ku Diyanetê ji HDP’iyan re gotiye “bêexlaq”. Ergun, bal kişand ser muşawirê hiqûqê yê Diyanetê parêzer Selamî Açan jî û wiha bertek nîşan da: “Ez bi zêdehî li wî vedigerînim.” Ergun, her wiha ev tişt got: “Ez vê yekê fetwa ku weke qanûn hatiye nixumandin dibînim.”

	&nbsp;

	Şandeya dadgehê piştî parastina parêzer Ergun danişîn taloqî 3’yê tebaxê kir.&nbsp;

	&nbsp;