
Li gel teşhîsa malbatê jî Acar li goristana bêkesan hate veşartin 

2023-08-12 15:54:52


	MÊRDÎN - Polîsan di 25’ê tîrmehê de li Nisêbînê bi ser malekê de girtin û endama YJA-Starê Kader Acar jî bombeya li ser xwe teqand û jiyana xwe ji dest da. Tevî teşhîsa malbatê jî cenazeyê Acar li goristana bêkesan hate definkirin. &nbsp;

	&nbsp;

	Di 25'ê tîrmehê de polîsên tîmên taybet li ser Cadeya Sakarya ya Nisêbîn a Mêrdînê bi ser mala ku endama YJA-Starê Kader Acar (Destan Botan) tê de bû girtin. Acar, guh neda bangên teslîmbûnê, bombeya li ser xwe teqand û jiyana xwe ji dest da. Malbata Acar a li Cizîr a Şirnexê, di 2’yê tebaxê de hate Mêrdînê û cenazeyê li morga Nexweşxaneya Perwerde û Lêkolînê ya Mêrdînê dihat ragirtin teşhîs kir. Lê belê bi hinceta encamên DNA’yê derneketine, cenaze nehat dayîn. Li ser vê yêkê malbat jî vegeriya bû Şirnexê û xwe li benda encaman digirt. Hat zanîn ku rayedaran cenazeyê Acar rojek berê li Goristana Bêkesan a Goristana Bajêr a Kamor a Artûklûyê veşartine.

	&nbsp;

	TÊKILDARÎ BÛYERÊ&nbsp;

	&nbsp;

	Di şeva 25’ê tîrmehê de polîsan tevgera taybet bi ser maleke li ser Cadeya Sakaryaya Nisêbîna Merdînê de girtin. Hat zanîn ku di malê de teqînek pêk hat û endama YJA-Starê Kader Acar (Destan Botan) di vê teqînê de jiyana xwe ji dest da. Piştî bûyerê polîsan bi ser gelek malan de girtin û 9 kes binçav kirin.&nbsp;

	&nbsp;

	Têkildarî bûyerê Wezareta Karên Navxweyî daxuyanyek parve kir û wiha got: “Li gel îxbara der barê jina ku tevgerên wê bal dikişand polîsên me ji bo ku nasnemeyê bipirsin çûn malê û bi çekan êrişî karmendên me kirine.” Lê belê hat zanîn ku di roja bûyer qewîmî de dengê tu çekan nehatiye bihîstin û gule li tu polîsan nehatine reşandin.

	&nbsp;

	TESLÎMIYET RED KIR

	&nbsp;

	Li gorî agahiyên bi dest ketine, 3 roj beriya bûyerê liv û tevgera polîsan zêde bûn. Roja bûyer qewimî, polîs li deriyê malê dixin û xwediya malê Adiguzel derî vekir. Polîsan ji bo ku teslîm bibe bang li Acarê kirin. Acar a nexwest teslîm bibe ji bo zirar negihije tu kesî derbasî odeya paşê bû û teqemeniya li ser xwe teqand.&nbsp;

	&nbsp;

	Acar li gel teqînê, di cihê bûyerê de jiyana xwe ji dest da û cenazeyê Acarê rakirin Nexweşxaneya Lêkolîn û Perwerdeyê ya Mêrdînê. 9 kesên hatibûn girtin jî bi şertê kontrola edlî hatibûn berdan.&nbsp;

	&nbsp;

	Tevî ku malbata cenazeyê Kader Acarê teşhîs kir jî bi hinceta encama DNA’yê ji Saziya Tiba Edlî (ATK) nehatiye cenaze nedabûn malbatê.&nbsp;

	&nbsp;