
ROJEVA 18'Ê TEBAXA 2023'YAN 

2023-08-18 09:00:02


	* Şêniyên gundên li quntara Çiyayê Gabarê bertek nîşanî birîna daran a di bin navê lêgerîna petrolê de dan û gotin: “Darek nehiştin ku em di bin siya wê de rûnin. Tenê tifaqiya me, yek dengiya me dikare vê talanê bide sekinandin.”

	&nbsp;

	* Endamê Komeleya Alimên Amedê Mele Hecî Kadah, bal kişand ser beşdarbûna Diyanetê ya Doza Kobanê û destnîşan kir ku Diyanet weke memûrê dewletê tevdigere û ji evdîtiya Xwedê derketiye.

	&nbsp;

	* Çêkirina bendava 10'emîn a li ser Çemê Dîcleyê ket meriyetê. Li gel çêkirina bendavê dê Iraq û Kurdistana Federe jî bi awayekî neyînî jê bandor bibin. Tê diyar kirin ku ev bendava ku dê bê çêkirin, dê bibe duyemîn santala herî mezin a HES'ê.&nbsp;

	&nbsp;

	* Hevşaredarê Amedê Selçûk Mizrakli anî ziman ku qeyûm li dijî civakê, çand, nasname, baweriyan, nirxan, hafizeyê û siberojê ne û qeyûm bûne wek garnîzonên mudaxileyê.&nbsp;

	&nbsp;

	* Penaberên sûriyeyî yên ku li Adanalioglûyê konên xw eli nêzî zeviya ku lê dixebitin vedane, jiyana xwe di şert û mercên xirab de didomînin. Jinên ku bandoreke mezin ji zor û zehmetiyên jiyana konî digirin, anîn ziman ku piltî karê nav zeviyê karê nav malê jî dikin.&nbsp;

	&nbsp;

	* Parêzer Sînan Aras diyar kir ku li girtîgehan mafên bingehîn ên mirovan esas nayên girtin û ji bo girtîgehên Tîpa S'yê yên girtî di hucreyên yekkesî de tên girtin, got: "Girtîgehên ku tecrîd bi awayekî pir eşkere tê pêkanîn."&nbsp;

	&nbsp;

	* Berfîn Ozan, parêzera kesên li Peyîndasê bi îşkenceyê hatin binçavkirin û paşê hatin girtin, bal kişand ser bêhiqûqîtiyan û got: "Hewl dan delîlan çêbikin, armnaca wan çavtirsandina mirovan bû."

	&nbsp;

	* Xerabeyên Taxa Musolar a Bazarcixê hêj li şûna xwe ne û keyayê taxê Taylan Sapan got ku welatî di nava bêhêvî û reşbîniyeke pir mezin de ne.&nbsp;

	&nbsp;

	
		* Çalakiya Nobeda Edaletêya Malbata Şenyaşar li ber Wezareta Dadê dê di roja 25'emîn de berdewam bike.&nbsp;
	
		&nbsp;
	
		* Danişîna 29'emîn a Doza Kobanê dê di roja çaremîn de li Kampûsa Girtîgeha Sîncanê berdewam bike. (10.00)


	&nbsp;

	* Komîsyona Şaxa OHD’a Stenbolê dê rapora xwe ya têkildarî binpêkirinên 6 mehên dawî li girtîgehên Herêma Marmarayê hatine kirin li avahiya xwe daxuyaniyê bide. (12.30)

	&nbsp;

	&nbsp;