
Dewleta tirk û komên paramîlîter êrişî Minbicê dikin: 4 zarok hatin qetilkirin  

2023-09-01 10:32:26


	NAVENDA NÛÇEYAN - &nbsp;Dewleta tirk û komên wê yên paramîlîter îro di danê sibehê de êrişî Minbicê kirin. Êrişên li gundê Ewn Dadatê hatin têkbirin. Di êrişan de 4 zarok hatin qetilkirin.&nbsp;

	&nbsp;

	Hêzên artêşa tirk û komên paramîlîter ên girêdayî wê îro di danê sibehê de li dijî gundên Minbicê êriş dan destpêkirin. Li gorî nûçeya Ajansa Nûçeyan a Hawarê (ANHA), êriş bi bejahî ve li dijî bajarok û gundewarên bakur û rojavayê Minbicê hatine kirin. Hat zanîn ku hêzên Meclisa Leşkerî ya Minbicê jî di kêliyê de bersiv dan êrişan.&nbsp;

	&nbsp;

	ÊRIŞÊN LI DIJÎ BAKURÊ MINBICÊ HATIN TÊKBIRIN

	&nbsp;

	Têkildarî mijarê Berdevkê Meclisa Leşkerî ya Minbicê Şervan Derwîş têkildarî êrişan agahî da û wiha got: “Hêzên me bersiva hemû êrişan dan. Êrişa lidijî Ewn Dadatê hatin têkbirin. Lê şerê li bakur û rojavayê Minbicê û gundên Muhsenlî, Ereb Hesenû, Um Cilûd, Seyade û Dendeniyê berdewam in.” Di heman demê de Derwêş îdiaya ku komên paramîlîter gundê El Biwêhêjê yê li rojhilatê Babê jî derewand û got şerê li vir didome.&nbsp;

	&nbsp;

	4 ZAROK HATIN QETILKIRIN

	&nbsp;

	Li gorî çavkaniyan; di encama êrişa li dijî gundê Mihesenlî yê li bakurê rojavayê Minbicê de 4 zarok hatine qetilkirin.&nbsp;

	&nbsp;

	PIŞTÎ OPERASYONA LI DIJÎ DAIŞ’Ê ÊRIŞ ZÊDE BÛN

	&nbsp;

	Hêjayî gotinê ye ku piştî Hêzên Sûriyeya Demokratîk (HSD) li dijî endamên DAIŞ’ê û bazirganên tiryakê dest bi operasyona “Xurtkirina Ewlehiyê” kirin, dewleta tirk û komên paramîlîter êrişên xwe yên li dijî Bakur û Rojhilatê Sûriyeyê zêde kirin.&nbsp;

	&nbsp;