
Jiyana girtiya nexweş Karaguzel di xetereyê de ye  

2023-09-02 14:47:27


	&nbsp;

	STENBOL - ÎHD’a Stenbolê diyar kir ku Dayhika Aştiyê Muhlîse Karaguzel a li hepsê sê caran krîza dil derbas kiriye û nikare bi tena serê xwe bimîne tevî raporên ATK’ê jî nayê berdan.&nbsp;

	&nbsp;

	Komîsyona Girtîgehan a Şaxa Komeleya Mafên Mirovan (ÎHD) a Stenbolê ji bo balê bikişîne ser rewşa girtiyên nexweş çalakiya “Rûniştina F” a her hefte li dar dixe di hefteya 597’emîn de li ber avahiya komeleyê li dar xist. Gelek kes tev li çalakiyê bûn û pankart hatin vekrin û dirûşm hatin berzkirin. Komîsyonê vê hefteyê bal kişand ser rewşa girtiya nexweş Muhlîse Karaguzel a 62 salî û ji sedî 90 astengdar e û niha li Girtîgeha Menmena Îzmîrê ya Tîpa R’yê tê ragirtin. Endama ÎHD’ê Meryem Bars daxuyaniyê xwend.&nbsp;

	&nbsp;

	NEÇARIN KU TEDBÎRAN BIGIRIN&nbsp;

	&nbsp;

	Bars mirina girtiyê nexweş Şakir Tûran bi bîr xist û got: “Girtîgeh veguherîne cihên mirinê.” Bars anî ziman ku rayedar di mijara girtiyên nexweş de xemsar tevdigere û rayeya xwe pêk nayînin. Bars da zanîn ku divê gavek beriya gavekê tedbîr bên girtin û girtiyên nexweş bên berdan.&nbsp;

	&nbsp;

	JI SEDÎ 90 ASTENGDAR E&nbsp;

	&nbsp;

	Bars bal kişand ser rewşa girtiya nexweş Muhlîse Karaguzel a ji sedî 90 astengdar e ku niha li Girtîgeha Menemena Îzmîrê tê ragirtin û wiha got: “Ew Dayika Aştiyê ye û ji ber xebatên xwe yên aştiyê hatiye girtin. Piştî hat girtin sê caran li ser hev krîza dil deras kiriye. Nexweşiyên wek dil, diyabet, hipertansiyon, astim, fitiqa pişt û stû bi Karaguzel re hene. Ji ber şekirê wê radibe zerarê daye çav û gurcikên wê. Jana wê ya giran heye. Ji ber astim pê re heye bi zehmetî bêhnê dide û distîne. Tevî ewqas nexweş e û rapora wê ya astengdariyê heye jî pêdiviyên wan bicih nayên û her ku diçe rewşa tenduristiya wê xera dibe.”

	&nbsp;

	TEVÎ RAPORÊ JÎ NAYÊ BERDAN&nbsp;

	&nbsp;

	Bars anî ziman ku Muhlîse Karaguzel ji ber çavên xwe gelek caran anjiyoya çav bûye û divê Karaguzel bi lezgînî were emeliyatkirin. Bars diyar kir ku li gel ku rapora ATK’ê ya “nikare di hepsê de bimîne” heye jî nayê berdan.&nbsp;

	&nbsp;

	BANGA HESTIYARIYÊ&nbsp;

	&nbsp;

	Bars destnîşan kir ku li gel Karaguzel tevî nexweşînên giran lê peyda bûne jî di şertên “tecrîdê” tê hiştin û got: “Ev tê wateya ku Muhlîse Karaguzel terkî mirinê hatiye kirin.” Bars ji bo berdana girtiyên nexweş û hemû girtiyên din rayedaran vexwend ser wezîfeyê&nbsp;

	&nbsp;