
Êrişa berfireh a li dijî gundên Minbicê hate têkbirin 

2023-09-08 11:03:41


	&nbsp;

	NAVENDA NÛÇEYAN - Artêşa tirk û komên paramîlîter ên girêdayî wê şevê din êrişeke dijwar birin ser gundên bakur û rojavayê Minbicê. Meclisa Leşkerî ya Minbicê bersiv da êrişan û êriş têk bir.&nbsp;

	&nbsp;

	Li gorî nûçeya Ajansa Nûçeyan a Hawarê (ANHA); artêşa tirk û komên paramîlîter ên girêdayî wê di derengiya şeva berê de ji bejahî ve êrişeke berfireh bir ser gundên Ereb Hesen, Muhsenlî, Toxar, Em Edese û Um Cilod ên li bakur û rojavayê Minbicê. Di heman demê de herêm bi top û moşekan hate topbarankirin. &nbsp;Bi destpêkirina êrişan re şervanên Meclisa Leşkerî ya Minbicê jî bersivên tund dan. Hat zanîn ku heta serê serê sibehê jî pevçûnên dijwar qewimîn.&nbsp;

	&nbsp;

	Hat zanîn ku di pevçûnan de bi dehan endamên komên paramîlîter hatine kuştin û birîndarkirin. Her wiha gelek amûr û alavên komên paramîlîter jî hatine rûxandin. Hat zanîn ku di van kêliyan de jî artêşa tirk û komên wê yên paramîlîter ên li başûrê Cerablusê bi topan êrişî gundên bakur û rojavayê Minbicê dikin.

	&nbsp;

	TIL TEMIR

	&nbsp;

	Her wiha artêşa tirk û komên wê yên paramîlîter ji şeva berê heta niha gundên Tewîle, Til Tewîl, Asuriye, Til Cuma, Um El Xêr, Til Gerebêt û Gozeliyê yên li rojavayê navçeya Til Temirê û gundê Dirdara yê li bakurê navçeyê bi çekên giran topbaran dikin.

	&nbsp;