44 roj in heman bersivê didin Malbata Şenyaşar: Wezîr nîne! 2023-09-08 16:05:40   ENQERE - Emîne Şenyaşar di roja 44’emîn de çalakiya têkoşîna xwe ya edaletê didomîne. Şenyaşara bersiva “Wezîr li derveyî saziyê ye” jê re hate dayîn, negirtin Wezareta Dadê.    Di 14’ê Hezîrana sala 2018’an de xizm û parastvanên Parlamenterê AKP’ê yê Rihayê yê berê Îbrahîm Halîl Yildiz li navçeya Pirsûs a Rihayê êrişî Malbata Şenyaşar kir. Di êrişê de hevjîn û du kurên Emîne Şenyaşar hatin qetilkirin. Emîne Şenyaşar û kurê wê Parlamenterê Partiya Çepên Kesk ê Rihayê Ferît Şenyaşar ku ji komkujiyê bi birîndar xelas bûbû, di roja 846’emîn de nobeda xwe ji Rihayê veguhestibû Enqereyê û nobeda li pêşiya Wezareta Dadê di roja 44’an de berdewam kir.   Ji Emîne Şenyaşar a ji ber pirsgirêkên xwe yên tenduristiyê ji Deriyê Dîkmen ê Meclisê heta Wezareta Dadê bi kursiya biteker çû re bersiva “Wezîr li derveyî saziyê ye” hate dayîn û negirtin Wezareta Dadê. Emîne Şenyaşar a li ber wezaretê bi dowîza “Edaletê” ya hilgirtî çalakiya xwe didomîne, xwest kurê wê yê girtî Fadil Şenyaşar bê berdan û faîlên komkujjiyê bên cezakirin.