
‘Îşkenceya li Girtîgeha Panosê eleqeya xwe bi tecrîda Îmraliyê re heye’  

2023-09-11 13:45:40


	&nbsp;

	WAN - Hevserokê Şaxa TUHAYDER a Wanê Çetîn Uyar bertek nîşanî îşkencekirina girtiyên jin ên li Girtîgeha Tîpa L a Panosê da û wiha got: “Zexta li girtîgehan, eleqeya xwe bi tecrîda li ser Abdullah Ocalan heye ku di pergala îşkence û qirkirinê ya Îmraliyê tê ragirtin.”&nbsp;

	&nbsp;

	Şaxa Komeleya Piştevaniya bi Malbatên Girtî û Hikûmxwaran re (TUHAYDER) ya Wanê têkildarî îşkencekirina girtiyên siyasî û îşkenceya bi girêka beraz li avahiya komeleyê daxuyanî da. Hevserokê komeleyê Çetîn Uyar di daxuyaniyê de axivî û wiha got: “Îktîdara Tirkiyeyê li girtîgehan bêhiqûqiyê esas digire. Îktîdara ku xwedî li mîrateya faşîzma 12’ê Îlonê û îşkencekar Esat Oktayan derdikeve, hewl dide li ser girtîgehan teşeyê bide civakê.”&nbsp;

	&nbsp;

	SEPANÊN KEYFÎ

	&nbsp;

	Uyar, wiha dirêjî da axaftina xwe: “Di serdema AKP’ê de di qada demokrasî, mafên mirovan û azadiyan de binpêkirinên giran hatin jiyîn. Îktîdara ku hemû qadên civakî bi rêya tecrîd, zext, îşkence û polîtîkayên tirsandinê bisînor dike, bi sepanên keyfî yên derhiqûqî û derqanûnî re sedema sereke ya krîzên civakî ye. Yek ji qadên herî zêde ev derhiqûqtiye lê tên kirin jî girtîgeh in. Tevî hewldanên malbatan û yên hiqûqî û raporên ‘nikare di girtîgehê de bimîne’ jî girtiyên nexweş nayên berdan û li girtîgehan tên qetilkirin.”&nbsp;

	&nbsp;

	‘TUNDÎ Û ZEXT WEKE KONSEPTEKÊ DI MERIYETÊ DE YE’&nbsp;

	&nbsp;

	Bi domdarî Uyar bi bîr xist ku li Girtîgeha Tîpa L a Panosê 4 saetan îşkence li Mizgîn Kayitbey, Lale Kabîşen û Nazlican Barişer hatiye kirin û wiha dirêjî da axaftina xwe: “Heta ku berpirsyarên fiîlî yên vê sepana faşîst tên darizandin dê îktîdara AKP-MHP’ê weke berpirsyar bên dîtin. Di dema vê îşkenceya sîstematîk de heqaretên ku rûmeta mirovan binpê dikin hatine kirin û piştre jî girtî 4 saetan bi girêka beraz û li erdê hatine hiştin. Dema ev îşkence hatin kirin jî midûrên 1’emîn, 2’yemîn û 3’yemîn ên girtîgehê jî li wir bûn. Îşkencekaran, bi pora girtiyên jin girtin, kaş kirin û wisa li rîngê siwar kirin, li nexweşxaneyê muayeneyeke ser re hate kirin û piştre anîn. Ev yek nîşan dide ku ev binpêkirinên mafan ên li girtîgehan, di çarçoveya konseptekê de tên kirin.”&nbsp;

	&nbsp;

	‘ÎŞKENCEYÊ ELEQEYA XWE BI TECRÎDÊ RE HEYE’

	&nbsp;

	Uyar, axaftina xwe wiha bi dawî kir: “Ev îşkenceya roj bi roj li girtîgehan zêde dibe, eleqeya xwe bi tecrîda girankirî ya li ser Abdullah Ocalan re heye ku di pergala îşkence û qirkirinê ya Îmraliyê de tê ragirtin. Birêz Ocalan 25 sal in di şert û mercên giran ên tecrîd û îzolasyonê de tê ragirtin, nahêlin bi malbat û parêzerên xwe re hevdîtinê bike û hemû mafên wî yên ragihandinê tên astengkirin. Îktîdara faşîst a AKP-MHP’ê bi kûrkirina tecrîd û şer re li pêşiya avakirina aştiya civakî astengiya herî mezin e. Tekane rêya aştî, aramî, demokrasî û azadiyan, bidawîkirina tecrîda li ser birêz Abdullah Ocalan e.&nbsp;

	&nbsp;

	Îşkenceya li ser girtiyan nayê qebûlkirin. Di serî de Îmrali, divê pergala îşkence û qirkirinê ya li hemû girtîgehan bi dawî bibe. Banga me ji bo hemû parastvanên mafên mirovan, rêxistinên girseyî yên demokratîk ew e ku li dijî tecrîd, zext û îşkenceyên li girtîgehan dengê xwe derxînin. Ev êrişên li dijî girtiyên siyasî, êrişên li dijî tevahiya civakê ne. Hemû girrtiyên siyasî yên ji ber ramanê azad û fikrên xwe jiyana wan hatiye bisînorkirin lê teslîm nebûyîn rûmeta civakê ne.”

	&nbsp;

	Daxuyanî bi dirûşmên “Jin, jiyan, azadî” û “Bijî berxwedana zindanan” bi dawî bû.&nbsp;

	&nbsp;