Ciwanên ku wezîr Yerlîkaya ew hedef nîşan dabûn hatin girtin 

2023-09-11 22:58:38


	 

	WAN- Ciwanên ku li navçeya Rêya Armûşê hatibûn binçavkirin û Wezîrê Karên Navxweyî Alî YErlîkaya ew wekî hedef nîşan dabûn, hatin girtin. 

	 

	Di 8'ê Îlonê de li Taxa Bostanîçî û Taxa Esendere yên navçeya Rêya Armûşê ya Wanê di avêtina ser malan de Şiyar Orhan, Delîl Bozkûrt, Serhat Akdag, Baran Tîbelîk hatibûn binçavkirin. Ji her 4 ciwanên bi îdiaya "endamtiya rêxistinê" hatin binçavkirin, 3 jê hatin girtin. Baran Tîbelîk piştî îfadeya li dozgeriyê hat berdan û Şiyar Orhan, Delîl Bozkûrt û Serhat Akdag jî hatin girtin û ew şandin girtîgehê. 

	 

	Her wiha Wezîrê Karên Navxweyî Alî Yerlîkaya ji bo ciwanên 3 rojan di binçavan de bûn li ser hesabê xwe yê medyaya sanal gotibû "endamên rêxistina terora dabeşker" û ew wekî hedef nîşan dabûn.