
Hîlal Ada ya ku li ser beyanên şahid hatibû girtin tehliye bû  

2023-09-12 16:43:50


	&nbsp;

	AMED - Hîlal Ada ya ku li ser beyanên şahidê navê wî eşkere Umît Akbiyik hatibû girtin, di danişîna ewil a dozê de hat berdan.&nbsp;

	&nbsp;

	Kesê bi navê Umît Akbiyik li ser gelek rojnamevan, hiqûqzan, hunermend, siyasetmedar û welatiyan îfadeyên eşkere ango bi navê xwe yê vekirî gilî kiribû. Serdozgeriya Komarê ya Amedê di çarçoveya beyanên Akbiyik de 25’ê nîsanê li 21 bajaran operasyon li dar xist û derbarê 216 kesan de biryara binçavkirinê derxistibû. Di çarçoveya lêpirsînê de xebatkara Partiya Demokratîk a Gelan (HDP) Hîlal Ada hatibû girtin. Bi îdiaya “endamtiya rêxistinê” der barê Ada de doz hatibû vekirin. Danişîna ewil a doza Ada li 4’emîn Dadgeha Cezayê Giran a Amedê hat lidarxistin.&nbsp;

	&nbsp;

	BÊYÎ KU JÊ RE BÊ GOTIN HAT ÎFADE DA&nbsp;

	&nbsp;

	Hîlal Ada û parêzerê wê Yûnûs Muratakan di danişînê de amade bûn. Umît Akbiyik ê ku şahidiya eşkere kiribû jî bi rêya Pergala Deng û Dîmen (SEGBÎS) beşdarî danişînê hat kirin. Akbiyik îdia kir ku têkildarî danişînê tu teblîgat bo wî nehatiye kirin û ew li ser pergala e-devletê dîroka danişînê hîn bûye û li ser xwesteka xwe çûye Dadgeha Kastamonuyê û şahidiyê ji danişînê re kiriye.&nbsp;

	&nbsp;

	BEYANÊN AKBIYIK DI DOSYEYÊ DE NÎN IN!

	&nbsp;

	Di danişînê de derket holê ku beyanên Akbiyik hilnedane dosyeyê. Dadger di danişînê de beyanên Akbiyik ji Ada pirsî û got wê bi temamî xebatek rewa û legal kiriye. Ada da zanîn ku ew beyanên Akbiyik red dike û ew li HDP’ê tenê xebatkar bûye.&nbsp;

	&nbsp;

	BERSIV NEDA PIRSÊN PARÊZER&nbsp;

	&nbsp;

	Parêzer Yûnûs Mûratakan pirs ji Akbiyik kirin lê pirsên parêzer bêbersiv hişt.&nbsp;

	&nbsp;

	Dîsa Hîlal Ada axivî û diyar kir ku ew beyanên Akbiyik red dike û xwest dema dirêj a girtina wê li ber çavan bê girtin û bê berdan.&nbsp;

	&nbsp;

	Dozger xwest daxwaza berdanê ya Ada were redkirin.&nbsp;

	&nbsp;

	BIRYARA BERDANÊ

	&nbsp;

	Dîsa parêzer Muratakan parastina miwekîla xwe kir û xwest bê berdan. Paşê dadger bi şertê tedbîrên kontrola edlî biryara berdana Ada da û danişînê taloqî 12’ê kanûnê kir.&nbsp;

	&nbsp;