
Salek û 3 meh ceza li rojnamevan Rojîn Altay hat birîn  

2023-09-14 13:34:24


	&nbsp;

	STENBOL - Bi hinceta parvekirinên li ser medya dîjîtal salek û 3 meh ceza li xebatkara rojnameya Yenî Yaşamê Rojîn Altay hat birîn.&nbsp;

	&nbsp;

	Xebatkara rojnameya Yenî Yaşamê Rojîn Altay di 28’ê çileya 2023’yan de li Balafirgeha Sabîha Gokçen a Stenbolê hatibû binçavkirin û paşê hatibû berdan. Bi îdiaya “endamtiya rêxistinê” der barê Altay de doz hat vekirin. Danişîna ewil a dozê li 22’yemîn Dadgeha Cezayê Giran a Stenbolê hat lidarxistin. Altay beşdarî danişînê nebû û parêzerê wê Ozcan Kiliç amade bû.&nbsp;

	&nbsp;

	Dozger mutalaya xwe ku amade kiribû pêşkêşî dadgehê kir. Dozger di îdianameyê de xwest Altay bi hinceta parvekirinên li ser medya dîjîtal bê cezakirin.&nbsp;

	&nbsp;

	Parêzer Ozcan Kiliç li dijî mutalayê parastinê kir û destnîşan kir ku sûcdarkirina miwekîla wî ne li gorî qanûna çapemeniyê ye û got dema vê sûcdarkirinê bihûrî ye. Kiliç xwest miwekîla wî bê beratkirin.&nbsp;

	&nbsp;

	SALEK Û 3 MEH CEZA

	&nbsp;

	Dadgehê biryara xwe eşkere kir û ji “propaganda rêxistinê” di sînorê kêm de salek ceza li Altay birî. Dadger paşê bi hinceta ku sûc li ser medya dîjîtal hatiye kirin ceza derxist salek û 6 mehan. Dadger paşê ceza li ser “halê baş” kêm kir û salek û 3 meh ceza li Altay birî û biryara hikûm paşê were eşkerekirin da.&nbsp;

	&nbsp;