
Dê li Silopiyayê meş were lidarxistin  

2023-09-15 13:13:18


	AMED - Dê sibe li dijî êrişên PDK’ê li navçeya Silopiya ya Şirnexê bi pêşengtiya KCD û DBP’ê meş were lidarxistin.&nbsp;

	&nbsp;

	Sibe dê bi pêşengtiya Kongreya Civaka Demokratîk (KCD) û Partiya Herêmên Demokratîk (DBP) û bi tevlibûna endam û nûnerên Tevgera Jinên Azad (TJA), Meclisa Dayikên Aştiyê, Federasyona Komeleyên Hiqûqî û Piştevaniyê ya Malbatên Girtî û Hikûmxwaran re ya Medê (MED-TUHADFED), Komeleya Piştevanî Yekitî û Çandê ya bi Malbatên Xizmên Xwe li Dergûşa Şaristaniyê Windakirin a Mezopotamyayê (MEBYA-DER), partiyên siyasî û rêxistinên civaka sivîl li dijî êrişa PDK’ê ya li Herêma Federe ya Kurdistanê meş were lidarxistin.&nbsp;

	&nbsp;

	Meş dê li Deriyê Sînor ê Xabûrê were lidarxistin û çalakvan dê balê bikişînin ser êrişên PDK’ê yên li Herêma Federe ya Kurdistanê.&nbsp;

	&nbsp;

	DÊ HEVSEROK TEV LI BIBIN

	&nbsp;

	Hevserokê KCD’ê Berdan Ozturk, Hevserokên Giştî yên DBP’ê Saliha Aydenîz û Keskîn Bayindir û parlamenterên Partiya Çepên Kesk dê tev li meşê bibin.&nbsp;

	&nbsp;

	Meş dê sibe saet di 15.00’an de bê lidarxistin û tê payîn ku ji bajarên Şirnex, Mêrdin, Sêrt, Êlih û Amedê gelek kes tev li meşê bibin.&nbsp;

	&nbsp;