
Bavê wî anîbûn ber avahiya HDP’ê: Hat îdiakirin ku Elîçumuş ê HPG’î jiyana xwe ji dest da 

2023-09-19 14:27:06


	&nbsp;

	ŞIRNEX - Hat îdiakirin ku endamê HPG’ê Ramazan Elîçumuş ku dewletê bavê wî anîbû pêşiya avahiya HDP’ê li Şirnexê jiyana xwe ji dest da.&nbsp;

	&nbsp;

	Operasyona leşkerî ya li gundê Bana yê girêdayî navçeya Basa ya Şirnexê û li derdora wê zêdetirî 2 meh in berdewam dike. Dorpêça li ser gund berdewam dike û herêmên çolter jî tên bombebarankirin. Wezîrê Karên Hundir ê Tirkiyeyê Alî Yerlîkaya îdia kir ku endamê HPG’ê Ramazan Elîçumuş di operasyona li herêmê de jiyana xwe ji dest dane.&nbsp;

	&nbsp;

	Her wiha hat zanîn ku cenazeyê endamekî HPG’ê rakirine morga Nexweşxaneya Dewletê ya Şirnexê.&nbsp;

	&nbsp;

	Dorpêç û bombebarana li gund berdewam e.&nbsp;

	&nbsp;

	BAVÊ WÎ ANÎBÛN BER AVAHIYA HDP’Ê

	&nbsp;

	Dewleta tirk, bavê Elîçumuş ê ku Yerlîkaya dibêje “hatiye kuştin”, Mehmet Halîl Elîçumuş di 3’yê îlona 2019’an de anîbû ber avahiya Rêxistina HDP’a Amedê û tev li “nobeta” li vir kiribû.&nbsp;

	&nbsp;