
Emniyet nahêle şîna rojnameger Evran were danîn  

2023-09-26 10:53:24


	AMED - Emniyetê destûr neda ku şîna rojnameger Seyît Evran were danîn. Di heman demê de emniyetê nifteya Mala Şînê ya Navendî jî desteser kir.&nbsp;

	&nbsp;

	Kedkarê Çapemeniya Azad rojnameger-nivîskar Seyît Evran di 22’yê îlonê de li nexweşxaneyeke Bakur û Rojhilatê Sûriyeyê jiyana xwe ji dest da. &nbsp;Malbata Evran a li navçeya Hênê ya Amedê xwest li Mala Şînê ya Navendê ji bo 3 rojan şînê dane. Lê belê emniyetê dest danî ser nifteya mala şînê û nehişt malbat şîna xwe deyne. Emniyetê bang li endamên malbatê kir û jê re got; ‘Em nahêlin hûn şîna xwe li mala şînê deynin. Ji bilî endamên malbatê, hûn nikarin li tu devereke din şînê deynin.”&nbsp;

	&nbsp;

	Li ser vê yekê malbatê şîna xwe li pêşiya mala xwe ya li taxê danî. Dê şînên ji bo Evran li vir bên qebûlkirin.&nbsp;