
Bi hinceta 'ewlehiyê' amûrên paqijiyê nedan girtiyan 

2023-09-30 09:06:01


	&nbsp;

	ENQERE - Dadgeriya Înfazê ya 2'yan a Enqereyê, daxwaza girtiyan a ji bo destikê paspasê û xortima avê, bi hinceta "ewlehiyê" red kir.&nbsp;

	&nbsp;

	Li Girtîgeha Jinan a Sîncanê, girtî rojnamevan Dîcle Muftuoglû û Nûriye Adet, ji ber ku nexweş in, ji bo paqijiyê doza destiyeke dirêj a paspasê û xortima avê kirin. Lê belê îdareya girtîgehê daxwaza wan qebûl nekir. Ji ber vê Muftuoglû û Adet, serî li Dadgeriya Înfazê ya 2'yan a Rojavayê Enqereyê dan.&nbsp;

	&nbsp;

	Dadgeriyê bersiva serlêdana Muftuoglû û Adetê da. Dadgeriyê di îfadeya xwe de diyar kir ku li gor Rêziknameya der barê amûrên li girtîgehan de xaleke ku dê xortim bê dayîn tune ye û xortima hatiye xwestin jî ji bo paqijiya hewadariyê hewce nake û dibe ku ji bo "firarkirinê" hatibe xwestin. Dadgeriyê bi hinceta "ewlehiyê" serlêdana her du girtiyan red kir.&nbsp;

	&nbsp;

	Her wiha dadgeriyê bêyî ku rapora tenduristiyê ya girtiyan bixwaze, ji bo destiyê paspasê jî diyar kir ku divê ji 75 santîman nedirêjtir be û ev daxwaza girtiyan jî red kir.&nbsp;

	&nbsp;

	Girtî ji ber vê biryarê serî li Dadgeha Ceza ya Giran a 1'ê ya Rojavayê Enqereyê dan.&nbsp;