
Hêzên rejîmê telefonên endamên malbata Garawand desteser kirin

2023-10-04 16:22:02


	&nbsp;

	NAVENDA NÛÇEYAN - Hêzên rejîma Îranê bi hinceta ku girêdana dersokê red kiriye, tundiyeke dijwar li zaroka 16 salî Armîta Garawand kir û xistin koma yê. Piştî belavkirina wêneyên Garawand ên li beşa venihêrîna awarte, hêzên rejîmê telefonên tevahiya endamên malbata wê desteser kirin.&nbsp;

	&nbsp;

	Zaroka bi navê Armîta Garawand a Kirmanşahî li paytexta Îranê Tehranê qebûl nekir ku dersokê girê bide. Li ser vê yekê hêzên rejîmê tundiyeke dijwar li Garawand kirin û rakirin beşa lênihêrîna awarte ya nexweşxaneyê. Piştî ku bûyer hat bihîstin, zextên li ser malbata wê zêde bûn.&nbsp;

	&nbsp;

	Piştî ku dîmenên kêliya tundî li Garawand dihat kirin û wêneyên wê yên li beşa venihêrîna awarte hatin parvekirin, hêzên rejîmê dest danîn ser telefonên tevahiya endamên malbatê.&nbsp;

	&nbsp;

	TEVDÎRÊN EWLEKARIYÊ YÊN LI NEXWEŞXANEYÊ

	&nbsp;

	Nexweşxaneya Fajrê ku Garawand li wir tê tedawîkirin ji hêla hêzên rejîmê ve hate dorpêçkirin û tevdîrên mezin ên ewlekariyê hatin girtin. Nasnameya temamiya kesên tên nexweşxaneyê tên kontrolkirin.&nbsp;

	&nbsp;

	Li hêla din hat zanîn ku hinek saziyên navneteweyî ji bo Garawand ketine nava liv û tevgerê.&nbsp;

	&nbsp;