
Li Filistîn û Îsraîlê bîlanço zêde dibe: Herî kêm 4 hezar û 700 kes mirin e 

2023-10-16 10:15:24


	&nbsp;

	NAVENDA NÛÇEYAN - Di şerê di navbera Îsraîlê û Filîstînê de herî kêm hezar û 400 îsraîlî mirin û herî kêm jî 2 hezar û 670 filîstînî mirin.&nbsp;

	&nbsp;

	Hamasê di 7’ê Cotmehê de li dijî Îsraîlê dest bi êrişan kiribû. Piştre di navbera Îsraîlê û Hamas-Filistînê de şer dest pê kir. Şerê dijwar ê navber her du aliyan bênavber didome. Li Gazzeyê ku hatiye dorpêçkirin tê gotin ku av û xwarin li ber qedandinê ye. Artêşa Îsraîlê jî xwe amade dike ku ji bejahiyê ve dest bi êrişan bike.&nbsp;

	&nbsp;

	Şaxa Rêxistina Tenduristiyê ya Cîhanê ya Filistînê ku girêdayî Neteweyên Yekbûyî ye ragihand ku herî kêm 4 nexweşxane hatine bombebarankirin û ji ber hatine rûxandin xizmetê nadin.&nbsp;

	&nbsp;

	Rêxistinê daxuyand ku ji terefê Îsraîlê ve ji bo tehliyekirina 21 nexweşxaneyê li herêmê hişyarî daye.&nbsp;

	&nbsp;

	BLINKEN: WÊ DERIYÊ SÎNOR BÊ VEKIRIN&nbsp;

	&nbsp;

	Wezîrê Karên Derve yê Amerîkayê Antony Blinken bêyî ku dîrokekê bide diyar kir ku ew hewl didin Deriyê Sînor ê Refahê yê di navbera Misir û Gazzeyê de bidin vekirin.&nbsp;

	&nbsp;

	HEJMARA MIRIYAN&nbsp;

	&nbsp;

	Di şerê roja 7’ê Cotmehê dest pê kiriye û heya niha tê gotin herî kêm hezar û 400 îsraîlî û herî kêm jî 2 hezar û 670 filistînî jiyana xwe ji dest dane. Îsraîl ji bo ji bejahiyê ve êrişî Gazzeyê bike artêşa xwe li ser sînor bicih dike.&nbsp;

	&nbsp;

	ÎDIAYA AGIRBESTÊ

	&nbsp;

	Li gorî nûçeya Reutersê ku dispêre çavkaniyên xwe yên ewlehiya Misrê; Amerîka, Îsraîl û Misir ji bo Deriyê Sînor ê Refahê vekin dixebitin û di heman wextî de saeta li 9’an li gorî saeta xwecihî li başûrê Gazzeyê jî li ser agirbestekê li hev kirin hatiye kirin.&nbsp;

	&nbsp;

	&nbsp;