
Cenazeyê rojnameger Salaz dê sibe bê definkirin 

2023-10-16 12:25:40


	&nbsp;

	WAN - Rojnameger Necmettîn Salaz ji ber nexweşiyê jiyana xwe ji dest da. Cenazeyê Salaz dê sibe li Wanê bê definkirin.&nbsp;

	&nbsp;

	Necmettîn Salaz ku bi nexweşiya Sîrozê ketibû û li Herêma Federe ya Kurdistanê dihat tedawîkirin, di 14’ê cotmehê de jiyana xwe ji dest da. Ji bo rojnameger Salaz li Sînemeya Salim a Silêmaniyeyê merasîm hat lidarxistin. Li gel dost û hevalên Salaz, gelek rewşenbîrên navdar, siyasetmedar û aktîvîst jî tev li merasîmê bûn.&nbsp;

	&nbsp;

	Piştî merasîmê jî ji bo definkirinê cenazeyê Salaz konvoy ber bi bajarê wî Wanê ve kete rê.&nbsp;

	&nbsp;

	Tê payîn ku cenazeyê Salaz di nîvşevê de bigihije Wanê û dê heta serê sibehê li morgê were sekinandin û roja sêşemê (sibe) piştî nimêja nîvro ya li Mizgefta Boyalarê li Goristana Akkopruyê ya navçeya Tûşbayê were definkirin.&nbsp;

	&nbsp;

	Malbata Salaz dê şîna xwe li Mala Şînê ya Mizgefta Hayretiye ya Kevin a li ser Rêya Kelehê ya li navçeya Rêya Armûşê dane. Şîn dê rojên çarşem û pêncşemê bidome.&nbsp;

	&nbsp;