
15 sal cezayê hefsê jê re dihat xwestin: Beraet bû

2023-10-24 11:58:32


	&nbsp;

	AMED - Ji bo endama Meclisa Şaredariya Sûrê Bîrsen Guneş ku ji peywirê hatibû girtin heta 15 salan cezayê hefsê dihat xwestin lê Guneş beraet kir.&nbsp;

	&nbsp;

	Endama Meclisa Şaredariya Sûr a Amedê ya HDP’î Bîrsen Guneş piştî tayînkirina qeyûm ji peywirê hatibû girtin û derheqê wê de bi îdiaya “endamtiya rêxistinê” doz hatibû vekirin. Guneş, ji ber tevlibûna xebat û çalakiyên partiya xwe dihat sûcdarkirin. Danişîna dozê li 5’emîn Dadgeha Cezayên Giran a Amedê hate lidarxistin. Guneş û parêzerê xwe Orhan Sicakyuz di danişînê de amade bûn.&nbsp;

	&nbsp;

	Dozger, mutalaaya xwe ya di danişîna din de dubare kir ku dixwest Guneş were cezakirin. Parêzerê Guneş, Orhan Sicakyuz jî li dijî mutalaayê parastin kir û da zanîn ku çalakî û xwepêşandanên ku miwekîla wê tev li bûye, dikevin çarçoveya azadiya fikr û xweîfadekirinê. Sicakyuz, daxwaza beraeta miwekîla xwe kir. Guneş jî tawanbariyên heyî red kilr û xwest beraet bibe.&nbsp;

	&nbsp;

	Dadgehê, ji bo Guneş biryara beraetê da.&nbsp;