
Wezaretê zaroka êzidî radestî malbata DAIŞ’î ku ew revandine kiriye

2023-10-26 10:24:20


	NAVENDA NÛÇEYAN - Derket holê ku Wezareta Polîtîkayên Civakî û Malbatê keça êzidî ya di bin parastina wê de radestî malbata DAIŞ’î ku ew revandin Tirkiyeyê û li ser dark webê “dane ber firotinê” kiriye.

	&nbsp;

	Keçeke êzîdî ku di sala 2017’an de DAIŞ’ê revandibû Tirkiyeyê û piştre li ser înternetê (dark web) “da ber firotinê”, di sibata 2021’an de li Enqereyê di operasyoneke li dijî maleke hucreya DAIŞê de hat rizgarkirin. Derket holê ku zaroka di bin parastina Wezareta Polîtîkayên Civakî û Malbatê de radestî malbata DAIŞ’î ku ew “dabûn ber firotinê” hatiye kirin.&nbsp;

	&nbsp;

	WEZARETÊ RADESTÎ MALBATA DAIŞ’Î KIR

	&nbsp;

	Tê payîn ku îro saet 11.30’an dê Sabbah Alî Orûç ê zarok revandiye Tirkiyeyê li 15’emîn Dadgeha Cezayê Giran a Enqereyê bê darizandin û li aliyê din têkildarî mijarê agahiyeke nû hate bidestxistin. Li gorî nûçeya Artı Gerçekê di 21’ê hezîrana 2022’yan de bi erêkirina Wezareta Polîtîkayên Civakî û Malbatê re, zaroka êzidî ya ku “biryara parastinê” ya derbarê wê de hat rakirin, bi ‘girteka teslîmkirinê’ ya rayedarên Mala Sevgiyê ya Pursaklarê radestî malbata DAIŞ’î hatiye kirin.&nbsp;

	&nbsp;

	&nbsp;