
Bi hinceta ‘li derî xistine’ cezayê disiplînê dan 10 girtiyan 

2023-10-26 10:27:50


	AMED - Li Girtîgeha Hejmar 2 ya bi Ewlekariya Bilind a Amedê tevî kamerayan tespît nekirine jî bi îdiaya “li deriyan xistin û bûn sedema tirsê” cezayê disiplînê li 10 girtiyan hate birîn.&nbsp;

	&nbsp;

	Girtiyê bi navê Cîhan Ayverdî ku li Girtîgeha Hejmar 2 ya bi Ewlekariya Bilind a Amedê tê ragirtin, di 27’ê îlonê de bi ser hişê xwe çû û rakirin Nexweşxaneya Perwerde û Lêkolînê ya Gazî Yaşargîl a Amedê. Dest û lingên Ayverdî hatin kelemçekirin û ji ber ku Ayverdî “tedawiya bi kelemçeyê” qebûl nekir, bêyî were tedawîkirin dîsa anîn girtîgehê. Hat zanîn ku ji ber nexweşiya dil, Ayverdî dîsa bi ser hişê xwe çû. Li ser vê yekê hevalên wî pê li butona alîkariyê kirin. Ayverdî, piştre dîsa sewqî nexweşxaneyê hate kirin. Di vê navberê de hevalên Ayverdî ku xwestin derheqê rewşa wî de agahî bigirin û derketin korîdorê. Ji ber qelebalixê, dengê butonê nehat bihîstin û derheqê 10 girtiyan de bi îdiaya ku li deriyan xistine lêpirsîna disiplînê hate destpêkirin.&nbsp;

	&nbsp;

	GIRTÎ: ME XWEST AGAHIYAN BIGIRIN

	&nbsp;

	Lêpirsîn, ji hêla Lijneya Disiplînê ya Girtîgehê ve hate destpêkirin û di 12’ê cotmehê de biryar hate dayîn. Di lêpirsînê de parastina devkî û nivîskî ya girtiyan hate girtin. Girtiyan, got ku bersiva butonê nehatiye dayîn û ji ber vê sedemê, ji bo ku derheqê Ayverdî de agahiyan bigirin li derî xistine. Girtiyan xwestin ku lêpirsîna disiplînê were betalkirin.&nbsp;

	&nbsp;

	‘DEST Û LINGÊN MIN KELEMÇEKIRÎ BÛN’

	&nbsp;

	Cîhan Ayverdî jî di parastina xwe de wiha got: “Roja 27’ê îlonê saet derdora 20.30’an de bi ser hişê xwe çûm. Ez birim nexweşxaneyê. Min çavên xwe li nexweşxaneyê vekirin û nayê bîra min bê ka çi bi min hatiye. Dema min çavên xwe vekirî, min dît ku dest û lingên min kelemçekirî ne. Min ji cendirmeyan xwest ku kelemçeya di lingê min de derxînin. Peywirdarê saziyê yê wê demê li wir jî şahid e. Dema peywirdarê saziyê ne li wê derê, cendirmeyan ji min re gotin; ‘tu terorîstî’ û heqaret li min kirin. Bêyî ku miayene bibin vegeriyam girtîgehê. Di 23.00’an de dîsa bi ser hişê xwe çûm. Dîsa ez birim nexweşxaneyê. Nayê bîra min bê ka çi qewimî ye.”&nbsp;

	&nbsp;

	'HER ÇEND KU BI KAMERAYAN NEHATIBE TESPÎTKIRIN JÎ...’

	&nbsp;

	Lijneya Disiplînê jî piştî midûrên saziyê, îfadeyên girtî û hikûmxwaran û girtekên di dema bûyerê de hatine girtin, ev nirxandin kir: “Her çend ku di qeydên kamerayan de nehatibe tespîtkirin ku girtî û hikûmxwaran re li deriyan xistiye, liv û tevgera di dema bûyerê de û li gorî îfadeyên personelan, ji qawîşên behsa xeberê deng hatine, li deriyan hatiye xistin û deng hatiye derxistin.”&nbsp;

	&nbsp;

	QEDEXEYA HEVDÎTINÊ YA JI BO 3 MEHAN

	&nbsp;

	Lijneya Disiplînê ya Girtîgehê di biryara xwe de got ku di dîmenên kamerayan de Erkut Açan, Ramazan Yilmaz û Huseyîn Karahan nehatine ber deriyan û Cîhan Ayverdî jî li nexweşxaneyê bû lewma derheqê wan de biryara “hewcehî bi cezayê disiplînê nîne” da. Ji bo girtî Ferhat Gultek, Mûstafa Kutay, Kemal Polat, Mehmet Şîrîn Polat, Ridvan Barût, Mehmet Ruhî Bakir, Nûrettîn Cengîz, Firat Ertunç, Cîbrahîl Kurt û Serhan Aksîn jî bi îdiaya “Gotin an jî kirinên ku di nava saziyê de rê li ber tirs, fikar û rageşiyê vedikin kirine” ji bo 3 mehan cezayê qedexeya hevdîtina bi ziyaretvanan re da.&nbsp;

	&nbsp;

	TESPÎT TUNE YE, CEZAYÊ HERÎ GIRAN DAN

	&nbsp;

	Tevî ku lijneyê ji qeydên kamerayan tespît nekirin bê ka girtiyan li deriyan xistine yan na jî, cezayê herî giran ê di rêziknameyê de da.&nbsp;

	&nbsp;

	GIRTIYAN ÎTÎRAZ KIRIN

	&nbsp;

	Piştî cezayên disiplînê, girtiyan li Dadgeriya Cezayên Înfazê ya Amedê îtîraz kirin.&nbsp;

	&nbsp;&nbsp;

	MA / Mujdat Can&nbsp;

	&nbsp;