
ROJEVA 12'Ê MIJDARA 2023'YAN

2023-11-12 09:00:10


	&nbsp;

	* Şaredariya Şirnexê ya AKP'ê ji bo bîrdariya 100’emîn a komarê ku daye çêkirin 950 milyar pere xerc kiriye. Şaredariya ku li şûna xizmeta gel bike li gelek noqteyên din ê bajêr jî bîrdariyên cuda çikandine.&nbsp;

	&nbsp;

	* Endamê Lijneya Rêveber a Navendî ya OHD'ê Parêzer Mûhîttîn Mûgûç ku bal kişand ser rengvedanên civakî û hiqûqî yên tecrîda li ser Rêberê PKK'ê Abdullah Ocalan, got ku ew armanc dikin ku bi "Bultena Tecrîdê" der barê sosreta hiqûqî de agahdariyê bikin.&nbsp;

	&nbsp;

	* Hevseroka MED TÛHAD FED'ê Emîne Kaya ji bo Meşa Gemlîkê bang li hêzên demokrasiyê kir got: "Em yeqîn dikin ku em ê karibin bi hev re bijîn. Ev meş, meşa bi awayekî fiîlî pêkanîna wê biratiya li ser lêvan e. Dê rê li ber jiyana bihevre veke."&nbsp;

	&nbsp;

	* Ji îmzevanên deklarasyona "Banga Aştiyê" lîstikvan Orhan Alkaya destnîşan kir ku divê kesên aştîxwaz xwedî li vê deklarasyonê derkevin.&nbsp;

	&nbsp;

	* Şîmel Çam, keça girtiyê nexweş Mehmet Emîn Çam ê 72 salî, bal kişand ser tenduristiya bavê xwe û got: "Kîstê di gurçikên wî de dîsa çêbû. Divê bê emeliyatkirin."&nbsp;

	&nbsp;

	* Mehmet Alî Gunduz ê li navçeya Nûrheqê dijî, ji ber ku her kesî nas dike û hemû qewimînên li navçeyê dizanî, wekî bîra zindî ya navçeyê ye.&nbsp;

	&nbsp;

	* Şerafettîn Demîr li Girtîgeha Sîncanê tê ragirtin û di nameya şandî de wiha got: “Ji ber ku di nameyeke xwe de min navên ‘Hz. Hasan, Hz. Huseyîn, Hz. Zeynep, Yezîd û Fîrewn’ bi kar anîne, derheqê min de bi îdiaya ‘propagandaya rêxistinê’ lêpirsîn hatiye destpêkirin.”

	&nbsp;

	* HEDEP dê bi tevlibûna Hevserokê Giştî yê HEDEP’ê Tuncer Bakirhan li Navenda Giştî ya ÎMO’yê Konferansa Rêveberiyên Herêmî yên Demokratîk li dar bixe. (10.00) ZINDÎ

	&nbsp;

	* DBP dê 6’emîn Kongreya Awarte li Navenda Bazirganiyê ya Cîhanê li dar bixe. (10.00)

	&nbsp;

	* Rêxistina HEDEP’a Stenbolê dê bi tevlibûna Hevseroka Giştî ya Tulay Hatîmogûllari li Navenda Pêşengehan a Yahya Kemal Beyatli 2’yemîn Kongreya Awarte li dar bixe. (11.00) ZINDÎ

	&nbsp;

	* Gerok Ma dê di çarçoveya Mîhrîcana Çand û Hunerê de li Parka Botaşê atolyeya zarokan li dar bixe. Li Komeleya Ziman û Çandê ya Birca Belek jî dê dîwana dengbêjan û defîleya cil û bergên kurdî bê lidarxistin. (11.00-18.00)

	&nbsp;

	* Hewldana 78'an dê têkildarî rewşa Berdevkê Hewldana 78’an Celalettîn Can li Şaxa ÎHD’a Stenbolê daxuyaniyê bide. (12.00)

	&nbsp;

	* Rêxistinên HDP’ê yên Şirnex û navçeyên wê dê bi boneya salvegera tayînkirina qeyûm a li Şaredariya Hezexê li pêşiya avahiya partiyê daxuyaniyê bide. (12.00)

	&nbsp;

	* Meclisên Jinan ên KCDP’ê dê bi dirûşma “Ji bo laîktî û azadiyê jin di meşê de tên ba hev” li Qada Kartalê mitîngê li dar bixin. (14.00)

	&nbsp;