
Li navçeyên Stenbolê ji bo Meşa Gemlîkê civînên gel 

2023-11-15 23:44:37


	&nbsp;

	STENBOL- Di civînên têkildarî Meşa Gemlîkê de ji bo şikandina tecrîda li ser Rêberê PKK'ê Abdullah Ocalan û azadiya wî ya fizîkî îşaret bi têkoşînê hat kirin.&nbsp;

	&nbsp;

	Partiya Wekhevî û Demokrasiyê (HEDEP), têkildarî Meşa Gemlîkê ku dê di 19'ê Mijdarê de li Stenbolê bê lidarxistin li navçeya Kartal, Pendîk, Tûzla û Ataşehîrê civînên gel lidar xistin. Di civînana de ku gelek kes beşdar bûn, îşaret bi şikandina tecrîda li ser Rêberê PKK'ê Abdullah Ocalan hat kirin.&nbsp;

	&nbsp;

	PENDÎK

	&nbsp;

	Li navçeya Pendîkê ji parêzerên Buroya Hiqûqê ya Asrinê Raziye Ozturk, Rêveberên HEDEP a Stenbolê û nûnerên ANYAKAY-DER'ê tevlî civînê bûn. Li salona civînê pankarta "Azadî ji bo Ocalan, çareseriyeke demokratîk ji bo meseleya kurd" hat daliqandin.&nbsp;

	&nbsp;

	Li vir Parêzer Raziye Ozturk axivî. Ozturkê bilêv kir ku Abdullah Ocalan bi paradîgmaya xwe komploya navdewletî pûç kiriye û got ku meseleya kurd li Tirkiyeyê bûye sedema gelek pirsgirêkan. Ozturkê destnîşan kir ku Abdullah Ocalan mifteya çareseriya meseleya kurd e û îşaret bi girîngiya meşa ku dê bê lidarxistin kir.&nbsp;

	&nbsp;

	KARTAL

	&nbsp;

	Li navçeya Kartalê jî li salona civînê pankarta "Azadî ji bo Ocalan, çareseriyeke demokratîk ji bo meseleya kurd" hat daliqandin. MA-TÛHAYDER, ANYAKAY-DER, Hevberdevka Herêma Yekem a Stenbolê ya dbP'ê Makbûle Şeker, Parêzerê Buroya Hiqûqê ya Asrinê Cengîz Yureklî û hevserokêN HEDEP'a navçeyê û gelek welatî tevlî civînê bûn. Civîn bi deqeyeke rêzgirtinê ya ji bo kesên di têkoşîna demokrasî û azadiyê de jiyana xwe ji dest dane dest pê kir.

	&nbsp;

	Di civînê de welatiyan anî ziman ku yê ku gelê kurd bi cîhanê daye naskirin Abdullah Ocalan e û li dijî tecrîdê îşaret bi têkoşîna yekbûyî kirin. Ji parêzerên Buroya Hiqûqê ya Asrinê Cengîz Yurkelî jî destnîşan kir ku barê şikandina tecrîdê li ser milê kurdan e.&nbsp;

	&nbsp;

	Civîn bi nivîseka li ser parêznameyên Abdullah Ocalan bi dawî bû.&nbsp;

	&nbsp;