
Ji bo girtiyê ji sedî 93 astengdar serlêdana ÎHÎK’ê hate kirin

2023-11-20 14:05:29


	&nbsp;

	ENQERE - Parlamenterên HEDEP’ê, ji bo girtiyê ji sedî 93 astengdar Abdulalîm Kaya, serî li Komîsyona Lêkolînê ya Mafê Mirovan a Meclisê dan.

	&nbsp;

	Parlamenterên Partiya Wekhevî û Demokrasiyê ya Gelan (HEDEP) a Şirnexê Nevroz Ûysal Aslan û Parlamentera Êlihê Zeynep Odûncû ji bo girtiyê 80 salî û ji sedî 93 astegdar Abdulalîm Kaya, serî li Komîsyona Lêkolînê ya Mafên Mirovan a Meclisê (ÎHÎK) dan.&nbsp;

	&nbsp;

	‘JIYANA WÎ DI XETEREYÊ DE YE’

	&nbsp;

	Di serlêdanê de hat diyarkirin ku Abdulalîm Kaya yê di Girtîgeha Tîpa M ya Êlihê de tê ragirtin, bi tena serê xwe nikare jiyana xwe bidomîne û ev tişt hatin gotin: “Li gorî agahiyên me bi dest xistine, teşhîsa demansê li girtî hatiye kirin. Herwiha çavê girtî yê çepê nabîne û guhê wî yê çepê nabihîse. Tê zanîn ku gurçikên girtî naxebitin û girtî ji ber nexweşiya xwe ya dil berî salekê anjiyo bûye.”

	&nbsp;

	Di serlêdanê de hat destnîşankirin ku Nexweşxaneya Perwerde û Lêkolînê ya Sêrtê derbarê Kaya de rapora ji sedî 93 astendar e, daye û hat xwestin û înfaza Kara were taloqkirin.&nbsp;

	&nbsp;

	Herwiha her du parlementer bi daxwaza Wezîrê Dadê Yilmaz Tûnç bibersivîne, pêşniyazpirs dane Meclisê.&nbsp;

	&nbsp;