
Li Amedê bi ser malan de girtin: 8 kes hatin binçavkirin   

2023-11-22 10:43:10


	&nbsp;

	AMED - Cîgira Hevserokên Giştî yên ESP’ê Beycan Taşkiran jî di nav de 8 kes hatin binçavkirin.&nbsp;

	&nbsp;

	Polîsan îro di danê sibehê di çarçoveya lêpirsîna Serdozgeriya Komarê ya Amedê de bi ser malan de girtin. Di encama serdegirtinên malan de Cîgira Hevserokên Giştî yên Partiya Sosyalîst a Bindestan (ESP) Beycan Taşkiran, Endama MYK û Meclisa Jinên Sosyalîst (SKM) Satiye Ok, endamên Federasyona Komeleyên Ciwanên Sosyalîst (SGDF) Mûhammet Altinkaya û Serhat Eren û keseke/î navê wê/î nehat zanîn hatin binçavkirin. Hate diyarkirin ku polîsan bi ser Wargeha Xwendekaran a Xalid Bîn Welîd ku Erenê xwendekarê zanîngehê ye lê dimîne girtine û bi lêdanê ew binçavkirine.&nbsp;

	&nbsp;

	JI HEMAN MALBATÊ 3 KES HATIN BINÇAVKIRIN&nbsp;

	&nbsp;

	Li navçeya Peyasê jî ji heman malbatê birayên hev Mervan, Ferît û Nûrettîn Demîr hatin binçavkirin.&nbsp;

	&nbsp;

	Hat zanîn ku kesên hatine binçavkirin birin Şaxa TEM’a Amedê. ESP'ê têkildarî mijarê li ser hesaba xwe ya medyaya dîjîtal ev peyam parve kir: “Polîsan li ser malên cîgira hevserokên me Beycan Taşkiran û endama me ya SKM û MYK’ê Satiye Ok de girtin. Di malan de lêgerîn berdewam dike. 3 endamên me hatin binçavkirin.”

	&nbsp;

	&nbsp;

	Sedemê binçavkirinan nehate zanîn. Hate diyarkirin ku parêzer dê piştî nîvro bi muwekîlên xwe re hevdîtinê bikin.&nbsp;

	&nbsp;

	&nbsp;