
Bi çekê gef li Çîftyurek ê HEDEP’î hat xwarin  

2023-11-22 21:31:43


	&nbsp;

	NAVENDA NÛÇEYAN - Li Amedê bi çekê gef li Parlementerê HEDEP'ê yê Amedê Sînan Çîftyurek hat xwarin.

	&nbsp;

	Çîftyurek der barê gefa biçek de li Meclisê civîneke çapemeniyê li dar xist. Çîftyurek diyar kir ku tespît û pêşniyazên wî yên der barê pirsgirêka kurd de hin derdorên kûr aciz kiriye.

	&nbsp;

	Çîftyurek anî ziman ku di 17'ê Mijdarê saet 17.00'an de li kuçeya Akkoyûnlû ya kolana Gevran a taxa Ofîsê kesekî bi êlek ew rawestandiye, di bin êlek de çek nîşanî wî daye û piştre bêyî ku biaxive ji wir dûr ketiye.

	&nbsp;

	Çîftyurek bilêv kir ku ev gef gefeke plankirî ye û got ku gefa biçek piştî şopandin û rêxistinbûneke demdirêj pêk hatiye.

	&nbsp;

	Çîftyurek diyar kir ku her derên Amedê bi kamerayan tê şopandin û got ku ger bê ew kesê ku bi çekê gef lê xwariye bi hêsanî bê dîtin.&nbsp;