
Danişîna doza Tahir Elçî dest pê kir 

2023-11-29 10:43:38


	&nbsp;

	AMED - 8’emîn danişîna doza Tahir Elçî li 10’emîn Dadgeha Cezayên Giran a Amedê dest pê kir.&nbsp;

	&nbsp;

	Serokê Baroya Amedê Tahir Elçî di 28’ê mijdara sala 2015’an de li ber Mînareya Çarling a li Sûr a Amedê hate qetilkirin. Derheqê qetilkirina Elçî de doz hatibû vekirin û 8’emîn danişîna doza li 10’emîn Dadgeha Cezayên Giran a Amedê dest pê kir. Polîsên ku negirtî tên darizandin Sînan Tabûr, Mesût Sevî û Fûat Tan bi sedema “ji ber qisûra xwe bûn sedema mirinê” tên darizandin. Her wiha ji bo Ugur Yakişir ê PKK’î ku derheqê wî de biryara girtinê hatiye dayîn, bi îdiaya “Bi qesdî bûye sedema mirinê” ceza tê xwestin.&nbsp;

	&nbsp;

	Hevjîna Elçî, Turkan Elçî, Serokê Yekitiya Baroyan a Tirkiyeyê (TBB) Erînç Sagkan, serokên 18 baroyan, endamên Komeleya Hiqûqnasên ji bo Azadiyê (OHD), parlamenterên Partiya Wekhevî û Demokrasiyê ya Gelan (HEDEP) û Partiya Gel a Komarê (CHP) û gelek nûnerên rêxistinên civaka sivîl jî tev li danişînê bûn.&nbsp;

	&nbsp;

	Ji ber ku eywana danişînê biçûk bû, hejmara kesên tev li danişînê bibin hate bisînorkirin. Danişîn, bi hatina şandeya dadgehê re dest pê kir.&nbsp;

	&nbsp;