
Daxwaza tevlibûna doza Kobanê ya Diyanetê: Serokkomariyê mizgeftên ‘şewitandî’ ranegihand

2023-11-30 15:08:21


	ENQERE - Serokkomariya ku pêşniyaznameya tevlîbûna Doza Kobanê ya Diyanetê bersivand, derbarê ‘mizgeftên şewitandî’ de agahî parve nekir.

	&nbsp;

	Serokatiya Karûbarên Diyanetê di 5’ê nîsanê de xwest tev li Doza Kobanê ya 18 kes jê girtî, 108 siyasetmedar jê tên darizandin bibe. Diyanete îdia kir ku di bûyerên 6 û 8’ê cotmeha 2014’an de hin mizheft û avahiyên olî zerar dîtine. Herwiha bi gotina “jirêderketî” heqaretê li HDP’iyan kir.

	&nbsp;

	Parêzerên HDP’î di 16’ê tîrmehê de bi sedema “heqaret hatiye kirin” giliyê Diyanetê kir. Parlamenterên Partiya Wekhevî û Demokrasiyê ya Gelan (HEDEP) jî mijarê di Meclisê de nîqaş kirin. Serokkomariyê pêşniyazpirsa Parlamenterên HEDEP’î Serhat Eren û Gulderen Varli bersivand.

	&nbsp;

	Serokkomarî di bersiva daye Eren de îdia kir ku hin mizgeft, qûrsên Qûr’anê û saziyên olî yên di bin rêvebirina Diyanetê de ne zerar dîtine. Lê belê Serokkomarî derbarê navê camî û saziyên olî yên ku zerar ditine, tu agahî parve nekirin.&nbsp;