
Teqwîma hilbijartinên rêveberiyên herêmî hate weşandin 

2023-12-01 09:46:36


	&nbsp;

	NAVENDA NÛÇEYAN - Teqwîma hilbijartinên rêveberiyên herêmî ku dê di 31’ê adarê de bên lidarxistin di Rojnameya Fermî de hate weşandin.&nbsp;

	&nbsp;

	Li gorî biryara Lijneya Hilbijartinê ya Bilind (YSK) a di Rojnameya Fermî de hatiye weşandin; 1’ê çileya 2024’an weke roja destpêkirina teqwîma Hilbijartinên Giştî yên Rêveberiyên Herêmî ku dê di 31’ê adara 2024’an de bê lidarxistin hat diyarkirin.&nbsp;

	&nbsp;

	Li gorî teqwîmê; partiyên siyasî yên ku dê tev li hilbijartinê bibin dê di 2’yê çileyê de bên ragihandin û cihên wan ên di pisûlaya dengan de jî di 27’ê çileyê de ji hêla YSK’ê ve bi rêbaza peşkê bê diyarkirin.&nbsp;

	&nbsp;

	Divê partiyên siyasî serlêdanên lîsteyên namzetên şaredariyên bajar û navçeyan, namzetiya meclisên şaredariyê û endamên meclisa giştî ya bajaran heta roja 20’ê sibatê saet 17.00’an teslîm bikin.&nbsp;

	&nbsp;

	Propaganda û qedexeyên hilbijartinê dê di 21’ê adarê de dest pê bikin û di 30’ê adarê saet di 18.00’an de bi dawî bibin.&nbsp;

	&nbsp;

	Dawiya qedexeyên hilbijartinê weke 31’ê adarê saet 23.59 hate diyarkirin.

	&nbsp;