
Li Bedlîsê 22 kes hatin girtin 

2023-12-01 11:35:57


	&nbsp;

	BEDLÎS - Di encama serdegirtinên malan ên li navçeyên Xîzan û Tetwanê yên Bedlîsê û Wanê de 43 kes hatibûn binçavkirin. Ji binçavkiriyan 22 jê hatin girtin û 12 jî hatin berdan.&nbsp;

	&nbsp;

	Polîs û leşkeran li navçeyên Xîzan û Tetwanê yên Bedlîsê û Wanê bi îdiayên “Endamtiya rêxistinê” û “Alîkarî daye rêxistinê” bi ser gelek malan de girtibûn û zêdetirî 43 kes binçav kiribûn. Ji binçavkiriyên sewqî dadgehê hatin kirin 22 jê hatin girtin û 12 jî hatin berdan.&nbsp;

	&nbsp;

	Di roja ewil de 7 kes hatibûn berdan û 27 kes jî duh piştî îfadeyên li emniyet û cendirmeyê sewqî Edliyeya Bedlîsê hatin kirin. Piştşî îfadeyan, dozgeriyê tevek jî bi daxwaza girtinê sewqî Dadgeriya Cezayên Sulhê kir. Piştî îfadeyan, welatiyên bi navên Emîn Gezîcî, Bedrettîn Gezîcî, Îsa Gezîcî, Mahsun Gezîcî, Haci Gezîcî, Firat Gezîcî, Serkan Gezîcî, Mûstafa Gezîcî, Halîm Gezîcî, Sedat Gezîcî, Suleyman Korkmaz, Îhsan Korkmaz, Erdal Înan, Cemal Înan, Beşîr Çetîn, Kerem Çetîn, Emrah Aydin, Turan Çetîn, Sînan Aydin, Metîn Çetîn, Mekîn Çetîn û Mahîr Hergul hatin girtin û 5 kes jî hatin berdan.&nbsp;

	&nbsp;

	Îfadeyên 16 kesên din ên li edliyeyê berdewam in.&nbsp;

	&nbsp;