
Li Amedê Meş: Pirsgirêka kurd bi diyalogê çareser bikin

2023-12-09 15:47:50


	&nbsp;

	AMED - 44 rêxistinên saziyên sivîl, di çarçoveya Heftaya Mafên Mirovan de meş li dar xistin û ji bo ku pirsgirêka kurd bi awayeke demokratîk were çareserkirin, banga diyalog û muzakereyê hate kirin.&nbsp;

	&nbsp;

	Li Amedê Komeleya Mafên Mirovan (ÎHD), Komeleya Hiqûqnasên ji bo Azadiyê (OHD), Odeya Bijîşkan a Amedê, Weqfa Mafên Mirovan a Tirkiyeyê (TÎHV) Komeleya Jinan a Rosayê, û Baroya Amedê di çarçoveya Heftaya Mafên Mirovan de meş li dar xistin. Hevserokên HEDEP’a Amedê Pinar Sakin Tekîn û Abbas Şahîn û nûnerên partiyên siyasî û saziyan sivîl tev li meşê bûn.

	&nbsp;

	Meş ji Konuk Evî ya semta Ofîsê heta Bîrdariya Mafên Mirovan a di Parka Koşuyolûyê de domiya. Di meşe de pankarta “Daxuyanameya gerdûnî 75 salî ye… Aştî bi mafên mirovan pêkan e” hate vekirin û dirûşmên “Jin, jiyana, azadî” û “heq, hiqûq, edalet” hatin berzkirin.&nbsp;

	&nbsp;

	Li ser navê girseyê Seroka Odeya Bijîşkan a Amedê Elîf Tûran daxuyanî xwend û diyar kir ku ew ji aliyê rêgeza rêzdariya li dijî mafê mirovan û demokrasiyê gelek bi fikarin û destnîşan kirin ku li herêmê sepanên derveyî demokrasiyê zêde bûne.&nbsp;

	&nbsp;

	‘GELEK ROJNAMEGER GIRTÎ NE’

	&nbsp;

	Tûran diyar kir ku bi taybet jî piştî hewldana darbeya 15’ê Tîrmehê şûnde bi îlankirina OHAL’ê re binpêkirin zêde bûne, hiqûq hatiye rakirin. Tûran wiha dirêjî da axaftina xwe: “Bi awayekî kêfî 6 salan çalakiya dayikên şemiyê hat qedexekirin. Di neçareseriya pirsgirêka Kurd de israrek mezin heye. Îro gava em dinêrin li ser çapemeniyê zextek mezin heye û gelek kedkarên çapemeniyê ji ber nûçeyên çêkirine, hatine girtin.”

	&nbsp;

	‘LI ÎMRALIYÊ TECRÎDEKE GIRAN HEYE’

	&nbsp;

	Tûran bal kişand ser tecrîda giran ya li Îmraliyê û wiha pê de çû: “Li gorî daneyên Komîsyona Girtîgehan a Navendî ya ÎHD’ê ya sala 2022’an 651 jê giran 1517 girtiyên nexweş hene. Girtî nikarin xwe bigihînin mafên xwe û nikarin bên dermankirin. Bi biryarên kêfî yên li jneya îdarî tahliyekirina girtiyan tê taloqkirin. Tecrîda li Îmraliyê bandor li ser hemû girtîgehan û civakê kiriye. Li hember destkeftiyên jinan êrîşek mezin heye. Ewil Peyaman Stenbolê niha jî qanûna hejmar 6284 kirin hedef. &nbsp;Em dibêjin ku mafê jiyanê pîroze, daxwaza me jiyaneke bi rumet û azad e.”

	&nbsp;