
Qeyûmî pere nehişt, Şaredariya AKP’î neguhêzbaran difiroşe

2023-12-15 11:55:19


	MÊRDÎN - Qeyûmê Şaredariya Bajarê Mezin a Mêrdînê beriya hilbijartinê mîlyonan pere da şaredariya AKP’î. Şaredariya AKP’î jî neguhêzbar da ber firotinê.&nbsp;

	&nbsp;

	Rêveberiya Şaredariya Bajarê Mezin a Mêrdînê ku qeyûm lê hatiye tayînkirin, beriya hilbijartina 31’ê adara 2024’an bi belavkirina çavkaniyên şaredariyê ve mijûl e. Şaredariya Bajarê Mêzin ji şaredariyên AKP’î yên Mîdyad û Kerboranê re bi navê “alîkariyê” mîlyonan pere şand. Tê texmînkirin ku pereyên ji şaredariya AKP’î re beriya hilbijartinê hatine şandin ji bo “Fînanskirina xebatên AKP’ê yên hilbijartinê” ne.&nbsp;

	&nbsp;

	ŞANDINA PEREYAN A ŞAREDARIYÊN AKP’Î

	&nbsp;

	Şaredariya ku ji hêla qeyûm Tuncay Akkoyûn ve tê birêvebirin, biryara qerdarbûnê da û ji Banka Bajaran nameya temînatê stend. Her wiha biryar hat dayîn ku 20 mîlyon pere di bin navê “alîkariyê” de ji şaredariyên AKP’î re were veqetandin.&nbsp;

	&nbsp;

	NEGUHÊZBARAN DIFIROŞIN

	&nbsp;

	Şaredariya Midyadê jî 13 neguhêzbarên aydê şaredariyê da ber &nbsp;firotinê. Şaredariyê 13 neguhêzbarên li taxên Acirli, Akçakaya û Işiklarê ên bihayê wan nêzî 40 mîlyon lîre ne, wek zevî da ber firotinê.&nbsp;