
AYM’ê ji bo biryara qedexekirina Taksîmê di 1’ê Gulanê de got ‘binpêkirina maf e

2023-12-15 13:20:08


	&nbsp;

	NAVENDA NÛÇEYAN - Dadgeha Destûra Bingehîn ji bo biryara destûrnedayîna lidarxistina çalakiya 1’ê Gulanê Roja Ked û Piştevaniyê li Qada Taksîmê weke “biryara li dijî destûra bingehîn” qebûl kir.&nbsp;

	&nbsp;

	Walîtiya Stenbolê di salên 2014 û 2015’an de destûr neda bû ku pîrozbahiyên 1’ê Gulanê Roja Ked û Piştevaniyê li Qada Taksîmê bên lidarxistin. Ser re jî polîsan êrişî çalakvanan kirin. Têkildarî biryara qedexeyê û êrişa li Dadgeha Destûra Bingehîn (AYM) serlêdan hatibû kirin. AYM’ê, biryara xwe eşkere kir.&nbsp;

	&nbsp;

	Serlêdan ji hêla Konfederasyona Sendîkayên Kedkarên Şoreşger (DÎSK), Konfederasyona Sendîkayên Kedkarên Cemaweriyê (KESK), Yekitiya Endezyar û Avahîsazên Tirk (TMMOB) û Yekitiya Bijîşkên Tirk (TBB) ve hatibû kirin. AYM’ê di sala 2016’an de serlêdan qebûl kiribû. AYM’ê destnîşan kir ku Walîtiya Stenbolê bi biryara xwe ya qedexeyê re xala 34’an a Destûra Bingehîn a “Mafê lidarxistina civîn û xwepêşandanan” binpê kiriye.&nbsp;

	&nbsp;

	BIRYAR BI PIRANIYA DENGAN HATE DAYÎN

	&nbsp;

	Biryar bi piraniya dengan hate qebûlkirin. Biryar di hejmara nû ya rojnameya fermî de hate weşandin.&nbsp;

	&nbsp;

	Dadgehê îdiaya “qedexeya miameleya xerab hatiye binpêkirin” jî bi sedema “bingeheke wê nîne” red kir.&nbsp;

	&nbsp;

	Ji bo pêşîlêgirtina binpêkirinên wekî vê, biryar ji Walîtiya Stenbolê, Midûriyeta Emniyetê ya Stenbolê û Serdozgeriya Komarê ya Stenbolê re hate şandin.&nbsp;