ROJEVA 21’Ê ÇILEYA 2024’AN 

2024-01-21 09:00:09


	 

	* Welatiyên ku li Cizîrê beşdarî pêşhilbijartinê bûn diyar kirin ku ew ê qeyûman bişînin û daxwaz kirin ku herkes xwedî li vîna xwe derbikeve û keyfxweşiya xwe ya ji pêşhilbijartinan wiha vegotin: "Ev dîmenê îro yê li vê derê tifaqiya me û serkeftina me nîşan dide."  

	 

	* Sekreterê Şaxa Hejmar 1 a Egîtîm Sen a Amedê Sînan Gunduz, anî ziman ku pirsgirêka herî kûr a qada perwerdehiyê ew e ku desthilata siyasî qada giştî dike qadeke olî û hewl dide bi nêrîna bîrdoziya xwe wê ava bike. 

	 

	* Wênesaz Enver Şahîn diyar kir ku ew pirsgirêkên gelê kurd di tabloyên xwe de xêz dike û got ku xeyala wî ya herî mezin bi wêneyên rojnamevanên hatine qetilkirin vekirina pêşangehekê ye.

	 

	* Ji mekanîzmayên ku herî zêde desthilata nêrza berê xwe didê rêveberiyên xwecihî ne. Jinên kurd ên mudaxileyî tekparêziya di rêveberiyên herêmî de kirin, bi pergala hevserokatiyê ava kirin û deskeftiyên xwe zêde kirin. 

	 

	* Endama ÇocukÇA'yê Necla Korkmazê diyar kir ku bi polîtîkayên ewlekariyê ku piştî tayinkirina qeyûman zêdetir bûn, tundî zêde bûye û got: "Zarok tim li malê, li dibistanê û li kolanan bi vê xetereyê re rû bi rû ne. Ji bo afirandina qadeke zarokan, tu pratîkeke qeyûm çênebûye." 

	 

	* DEM Partî dê li Amed û Rihayê pêşhilbijartinê li dar bixe. (09.00-17.00)

	 

	* Çalakiya Nobeta Edaletê ya ku bi daxwaza azadiya fîzîkî ya Rêberê PKK’ê Abdullah Ocalan li gelek bajaran hatiye destpêkirin îro jî bidome. (11.00-17.00)

	 

	* Li Mêrsîn û Stenbolê dê çalakiyên Serê Salê bên lidarxistin. (15.00-17.00)