
Ji rêxistinên civaka sivîl ji bo girtiya nexweş Arslan 5 daxwaz 

2024-01-30 13:19:43


	&nbsp;

	COLEMÊRG - Rêxistinên civaka sivîl ên Colemêrgê ji bo berdana girtiya nexweş Hanîfe Arslan û hemû girtiyên nexweş bang kirin û 5 daxwazên xwe rêz kirin.&nbsp;

	&nbsp;

	Komeleya Mafên Mirovan (ÎHD), Komeleya Hiqûqnasên ji bo Azadiyê (OHD) û Baroya Colemêrgê têkildarî girtiya nexweş a 76 salî Hanîfe Arslan ku li Girtîgeha Tîpa T a Wanê tê ragirtin, daxuyanî dan. Daxuyanî, li pêşiya Navenda Kargehan a Zagrosê ya li navçeya Geverê hate dayîn. Keça Arslan, Îran Arslan û gelek kes tev li daxuyaniyê bûn.&nbsp;

	&nbsp;

	GELEK GIRTIYÊN NEXWEŞ HENE

	&nbsp;

	Hevseroka Şaxa ÎHD’a Colemêrgê Sîbel Çapraz diyar kir ku ji ber pîratî û pirsgirêkên tenduristiyê, Arslan nikare pêdiviyên xwe yên şexsî pêşwazî bike. Bi domdarî Çapraz anî ziman ku Arslan 19 meh in girtî ye û wiha got: “Nexweşiyên wê yên weke KOAH, ulsera mîdeyê, qelewbûn, dil û tansiyona bilind hene. Bi zanebûn îşkenceyê li girtiyeka pîr dikin. Li gorî agahiyên keça wê dane, di daşira ne li gorî astengdaran de ketiye û diranên wê şikestine. Rêveberiya girtîgehê ku ji ewil ev rewş paşguh dikir, piştî nerazîbûna raya giştî klozet daye çêkirin û Hanîfe Arslan bir nexweşxaneyê. Tevî klozetê jî ji ber ku nikare zêde hereket bike, pir êşê dikişîne dema diçe destavê. Ji bo neçe destşoyê jî xwarinê naxwaze û ev jî bandoreke neyînî li ser tenduristiya wê dike.”

	&nbsp;

	Bi domdarî Çapraz diyar kir ku poşmantî li Arslan hatiye ferzkirin û wiha dirêjî da axaftina xwe: “Lê têkoşîna Arslan û azweriya wê ya berxwedanê, nîşaneya îradeya her kesê li vê erdnîgariyê li dijî pergala heyî û polîtîkayên nefretê ye û nîşan die ku serî natewînin. Em dizanin ku bi taybet jî polîtîkayên derxistina ji eslê xwe û çewisandinê li dijî girtiyên siyasî tên ferzkirin.”

	&nbsp;

	MIRINÊN SAL BI SAL ÇÊDIBIN

	&nbsp;

	Di berdewamê de Çapraz da zanîn ku di sala 2019’an de li girtîgehan 109 girtiyan, di 2020’an de 95, di 2021’ê de 128 û di 2022’yan de jî 101 girtiyan li girtîgehan jiyana xwe ji dest dane û wiha domand: “Her sal zêdetirî 100 girtî ji ber polîtîkayên keyfî û bêtevdîriyê yên îktîdarê terkî mirinê tên kirin. Di rewşa heyî de girtîgeh ne cihekî wisa ne ku girtî bikarin lê bijîn û xwedî mafên xwe yên tenduristiyê bin. Ev zîhniyeta ku girîngiyê nade mafên mirovan ji berpirsyartiyê direve û bi polîtîkayên xwe zilmê li girtiyên nexweş dike.”&nbsp;

	&nbsp;

	Çapraz, ji bo girtiyên nexweş û Hanîfe Arslan ev daxwaz rêz kir:&nbsp;

	&nbsp;

	“* Divê girtîgeh nebin qadên ku girtî lê terkî mirinê hatine kirin.&nbsp;

	&nbsp;

	* Divê mafên tenduristiyê yên girtiyan bên bicihanîn.&nbsp;

	&nbsp;

	* Divê Hanîfe Arslan û girtiyên mîna wê pîr tavilê bên berdan.&nbsp;

	&nbsp;

	* Divê zextên li ser Hanîfe Arslan û girtiyên din ên kal tavilê bi dawî bibin.&nbsp;

	&nbsp;

	* Divê girtîgeh li dijî mirin û pirsgirêkên heyî xwe berpirsyar bibînin û dawî li miameleyên keyfî bînin.”&nbsp;

	&nbsp;

	KEÇA ARSLAN: JI BER TÊKOŞÎNA XWE YA AŞTIYÊ GIRTÎ YE&nbsp;

	&nbsp;

	Keça Arslan, Îran Arslan jî got ku dayika wê bi awayekî derhiqûqî hatiye girtin û ev tişt anî ziman: “Tenê ji ber ku dayika min li dijî polîtîkayên qirêjî yên li welêt tên meşandin derketiye û ji ber têkoşîna xwe ya aştiyê di girtîgehê de ye. Heke dayika min sûcdar bûya bêguman dê poşman bûbûya. Lê bêsûc e û rewşeke ku ji poşmantiyê sûdê bigire tune ye.”&nbsp;

	&nbsp;