
Aqûbetên Mubarîz û Aydinlar ên hatine windakirin, hatin pirsîn

2024-02-03 14:46:59


	NAVENDA NÛÇEYAN - Xizmên Windakiriyan di çalakiyên xwe yên li Amed û Êlihê li dar xistin de aqûbetên Kemal Mubarîz û Cuneyt Aydinlar pirsîn.&nbsp;

	&nbsp;

	Şaxa Komeleya Mafên Mirovan (ÎHD) a Amedê û xizmên windakiriyan, bi diruşma “Bila winda werin dîtin, faîl werin darizandin” çalakiya xwe ya 782’emîn, li pêşiya Bîrdariya Mafê Mirovan a li Parka Koşûyolûyê ya navçeya Rezan a Amedê li dar xistin. Di qada ku çalakî lê hatiye lidarxistin de, pankarta ku wêneyên windakiriyan li ser bû hate vekirin û malbatan, wêneyên xizmên xwe yên hatine windakirin, hilgirtin.&nbsp;

	&nbsp;

	Di çalakiya vê hefteyê de aqûbeta Kemal Mubarîz ê di 1’ê sibata 1994’an de li navçeya Cizîra Şirnexê hatibû binçavkirin û di bin çavan de hatiye windakirin pirsîn. Endamê Şaxa ÎHD’a Amedê Firat Akdenîz çîroka Mubarîz xwend.&nbsp;

	&nbsp;

	Piştî xwendina çîroka Mubarîz, deqîqeyekê çalakiya rûniştinê hate lidarxistin.&nbsp;

	&nbsp;

	ÊLIH

	&nbsp;

	Şaxa ÎHD’a Êlihê û xizmên windakiriyan jî 618’emîn çalakiya xwe li pêşiya Bîrdariya Mafên Mirovan a li ser Cadeya Gulistanê li dar xistin. Di çalakiyê de pankarta “Bila winda werin dîtin faîl werin darizadin” hate vekirin û wêneyên kesên windakirî hatin hilgirtin. Rêveberê Şaxa ÎHD’ê Rezan Baytar aqûbeta Cuneyt Aydinlar ê di 20’ê sibata 1994’an de hatiye windakirin û careke din agahî jê nehatiye girtin, pirsî û çîroka Aydinlar xwend.&nbsp;

	&nbsp;

	Daxuyanî bi çalakiya rûniştinê bi dawî bû.&nbsp;

	&nbsp;