
Meşa Mezin a Azadiyê di roja 5’an de ye: Pirsgirêkan bi rêya guftûgoyê çareser bikin

2024-02-05 10:38:43


	ŞIRNEK - Meşvanên Azadiyê ku gihiştin navçeya Qilebanê li vir daxuyanî dan û xwestin ku pirsgirêka kurd bi rêya guftûgoyê bê çareserkirin.&nbsp;

	&nbsp;

	Bi mebesta azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk, di 1’ê sibatê de ji Qers û Wanê “Meşa Mezin a Azadiyê” hatibû destpêkirin. Meş, di roja 5’emîn de berdewam dike. Meşvanên di baskê Wanê de cih digirin, li pêşiya avahiya Partiya Wekhevî û Demokrasiyê ya Gelan (DEM Partî) ya navçeya Qileban a Şirnexê hatin gel hev. Tevî hewayê sar jî heta demekî dirêj li vir xelekên govendê hatin gerandin û beşdadran dirûşmên “Bijî berxedana zindanan" û "Na ji tecrîdê re, a niha aştî” berz kirin.&nbsp;

	&nbsp;

	'EM Ê BI SER KEVIN’

	&nbsp;

	Di hevdîtinê de coşeke zêde hebû û Parlamentera DEM Partiyê ya Colemêrgê Oznûr Bartin axivî. Bartin, got ku li ser Rêberê PKK’ê Abdullah Ocalan tecrîdeke girankirî heye û ev tişt anî ziman: “Em ji bo Rêberê Gelê Kurd Abdullah Ocalan azadiyê û ji bo pirsgirêka kurd jî çareseriyê dixwazin. Di 1’ê sibatê de me li Qers û Wanê dest bi meşê kir. Gund bi gund, tax bi tax digerin. Gelê kurd çareseriyê dixwaze, gelê kurd dibêje ‘bila rêberê me azad bibe û pirsgirêka kurd çareser bibe.’ Her kesên daxwaza demokrasî, azadî, yekitî û wekheviyê dikin bila piştgiriyê bidin meşê. Dengê xwe bilind bikin. Werin em bi hev re vê çareseriyê bînin. Em bi xwe bawerin, dê bi ser kevin.”&nbsp;

	&nbsp;

	'BILA PIRSGIRÊKA KURD BI RÊYA GUFTÛGOYÊ BÊ ÇARESERKIRIN’&nbsp;

	&nbsp;

	Namzetên hevşaredariyê yên DEM Partiyê yên Qilebanê Ferîde Ender û Alî Urek jî di axaftinên xwe de meşvan silav kirin û xwestin tecrîda li Îmraliyê bê rakirin. Hevserokê DEM Partiyê yê navçeyê Abdullah Gun jî ev tişt anî ziman: “Em jî vê meşa pîroz pîroz dikin. Em dixwazin pirsgirêkên me yên civakî û pirsgirêka kurd bi rêya guftûgoyê bê çareserkirin.”&nbsp;

	&nbsp;

	Çalakiya li vê derê bi dirûşma “Li dijî tecrîdê mil bidin milê hev” bi dawî bû.&nbsp;

	&nbsp;

	Piştre jî meşvan bi esnafan re civiyan. Meşvan dê piştre jî derbasî bajarokê Gundikê Melê yê girêdayî navenda Şirnexê.&nbsp;

	&nbsp;