Li Pîranê bi ser malan de hate girtin: 4 kes hatin binçavkirin

2024-02-06 13:51:43


	 

	AMED - Hevserokê Navçeya Pîranê ya DEM Partiyê Mehmet Taşkin jî tê de 4 kes ji ber parvekirinên xwe yên li ser medyaya dijîtal hatin binçavkirin.

	 

	Îro serê sibehê li navçeya Pîranê ya Amedê û li taxên wê bi ser malan de hate girtin. Di biserdegirtinan de Hevserokê Navçeya Pîranê ya DEM Partiyê Mehmet Taşkin jî tê de welatiyên bi navê Qadir Babur, Yusuf Yildiz û Omer Çetîn hatin binçavkirin.

	 

	Piştî ku ew birin qereqolê, diyar bû ku her çar kes ji ber parvekirinên xwe yên li ser medyaya civakî hatine binçavkirin.

	 

	Hevserokê Navçeya Pîranê ya DEM Partiyê Mehmet Taşkin û Omer Çetin piştî îfadeya xwe hatin berdan lê miameleyên her du kesên din hîna dewam dike.