
Ji bo Girtîgeha bi Hejmara 5’an daxwazname dan Miduriyeta Çand û Tûrîzmê

2024-02-09 16:14:59


	AMED - Komeleya 78’an a Amedê ji bo tev li Lijneya Şêwrê ya ji bo veguherandina muzeyê ya Girtîgeha bi Hejmara 5’an a Amedê were avakirin bibe, daxwazname dan Miduriyeta Çand û Tûrîzmê ya Bajêr.&nbsp;

	&nbsp;

	Endamên Komeleya Lêkolînê ya 78’an a Amedê ji bo veguherandina muzeyê ya Girtîgeha Hejmara bi 5’an a Amedê (Zindana Amedê) û fikrên şahidên demê li ber çavan bên girtin li ber Kalender Plaza ya li navçeya Yenîşehîrê hatin bahev û ber bi Miduriyeta Çand û Tûrîzmê ya Bajêr ve meşiyan. Rêxistinên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) ên Amedê beşdarî meşa ku ji bo daxwazname bên dayîn ber bi miduriyetê ve hate kirin bûn.&nbsp;

	&nbsp;

	‘EM NIZANIN KA ÇI DIQEWIME’&nbsp;

	&nbsp;

	Hevserokê Komeleya 78’an a Amedê Ahmet Ertak ê têkildarî mijarê de daxuyanî da, diyar kir ji bo Zindana Amedê veguherînin muzeyê weke şahidên zindî têdikoşin û wiha got: “Ji bo ku veguhere muzeyê me 105 hezar îmze kom kirin û dan partiyên siyasî. Di sala 2023’yan de Serokkomar Erdogan di axaftineke xwe de got ku ‘Xwezî zimanê dîwaran, qawişa 35’emîn hebûya û axivîbûya’ Lê dîwar naaxivin, şahidên zindî li vir in. Piştî ku daxuyaniya dê veguherînin muzeyê derî hatin girtin û em nizanin ka li wir çi diqewime.&nbsp;

	&nbsp;

	Şahidê demê Ganî Alkan ê endamê komeleyê ye jî wiha got: “Heke girtîgeh bibe muze divê li gor naveroka wê be. Lê weke ku me bihîstiye dê bibe muzeya etnografya û bîranînê. Gelo dê ev bibe bîranîna çi. Dê bibe bîranîn kesên îşkence li me dikirin? Berpirsyariyeke dîrokî ye ku li gorî naveroka girtîgehê bibe muze.”

	&nbsp;

	Piştî axaftinan şahidên demê ji bo di Lijneya Şewrê ya ji bo Navenda Çandê û Projeya Muzeyê were avakirin de cih bigirin, daxwaznameyên xwe bi rêya Miduriyeta Çand û Tûrîzm a Bajêr, ji Wezareta Çand û Tûrîzmê re şand.&nbsp;

	&nbsp;

	&nbsp;

	&nbsp;