
DEM Partiyê li Stenbolê bi rojeva tecrîdê civînên gel li dar xistin

2024-02-11 21:19:00


	&nbsp;

	&nbsp;

	STENBOL - Rêxistina DEM Partiyê ya Stenbolê li 14 navçeyan bi rojeva tecrîdê civînên gel li dar xist û di civînên gel de banga xwedîderketina li Meşa Azadiyê hate kirin.&nbsp;

	&nbsp;

	Rêxistina Partiya Wekhevî û Demokrasiyê ya Gelan (DEM Partî) a Stenbolê li navçeyên Sancaktepe, Beykoz, Kartal, Umraniye, Sûltanbeylî, Fatîh, Kagithane, Gazîosmanpaşa, Sûltangazî, Esenyûrt, Avcilar, Başakşehîr, Bagcilar û Arnavûtkoyê bi tevlibûna sedan kesan bi rojeva Meşa Azadiyê û tecrîdê civînên gel li dar xistin. Di civînên ku eleqeyek mezin dît de li ser kampanyaya “Ji Abdullah Ocalan re azadî, ji pirsgirêka kurd re çareserî” û Meşa Azadiyê ku ji bo rakirina tecrîdê hatine destpêkirin nîqaş hatin kirin.&nbsp;

	&nbsp;

	Li navçeyên nîqaş lê hatin kirin de li eywanan pankartên “Em ber bi azadiyê ve dimeşin, tecrîdê dişkînin” û “Silav ji Roja me re, silav ji berxwedana zindanan re” hatin daliqandin. Di hemû civînên li navçeyan hatin kirin de ji bo kesên di têkoşîna azadî û demokrasiyê de jiyana xwe ji dest dane rêz hate girtin.&nbsp;

	&nbsp;

	Welatiyên di civînan de mafê axaftinê wergirtin, diyar kirin ku tecrîda li ser Rêberê PKK’ê Abdullah Ocalan demekî dirêje berdewam dike û destnîşan kirin ku divê tecrîd were rakirin û azadiya fizîkî ya Abdullah Ocalan were rakirin. Welatiyên ku Meşa Azadiyê jî silav kirin, banga xwedîderketina li meşê kirin. &nbsp;

	&nbsp;

	‘XWEDÎ DERKETINA TÊKOŞÎNÊ HEQÎQET BI XWE YE’ &nbsp;

	&nbsp;

	Endamê Meclisa DEM Partiyê Erkan Mete yê di civîna gel a li avahiya DEM Partiyê ya Avcilarê de axivî jî wiha got: “ Xwegihandina armanca dawîn, şer, têkoşîn û kedê dixwaze.” Mete, destnîşan kir ku di ferqa hêza xwe de ne û wiha berdewam kir: “Niha em çiqas xwedî li partiya xwe, Meşa Azadiyê û Nobeta Edaletê derkevin em ê ew qas xurt bibin. Divê em ji kesên şoreşger ên li cem me, ji gelên gelên tirk, kurd, laz, çerkes re vebêjin ku pirsgirêka tecrîdê pirsgirêka wan e jî. Em heqîqet û rûmetê diparêzin. Parastina vê doz û têkoşînê di heman demê de heqîqet bi xwe ye.”

	&nbsp;

	Civîn bi dirûşma “Bijî berxwedana zindanan” bi dawî bûn. &nbsp;

	&nbsp;

	&nbsp;